Foto: Ashyq derekkóz
Erdoǵan aımaq úshin kúrdeli kezeńde Túrkııa óz shekarasy men áýe keńistiginiń qaýipsizdigin kezdeısoq jaǵdaılardyń enshisine qaldyrmaıtynyn jetkizdi.
Prezıdenttiń aıtýynsha, Ankara NATO-men tyǵyz yntymaqtastyqta barlyq qajetti qaýipsizdik sharalaryn qabyldap otyr jáne qajet bolǵan jaǵdaıda jedel áreket etýge daıyn.
Túrkııa Iran azamattarynyń elge kirýine ýaqytsha tyıym saldy
Sonymen qatar ol Túrkııa tarapy mundaı oqıǵalardyń qaıtalanýyna jol bermeý úshin barynsha qatań eskertý jasaǵanyn atap ótti.
«Túrkııanyń memleket pen halyqtyń qaýipsizdigin qamtamasyz etýge degen tabandylyǵy men múmkindigi eń joǵary deńgeıde», dedi Memleket basshysy.
Buǵan deıin Túrkııanyń Ulttyq qorǵanys mınıstrligi Iran aýmaǵynan eldiń áýe keńistigine baǵyttalǵan ballıstıkalyq zymyran Shyǵys Jerorta teńizinde ornalasqan NATO-nyń áýe jáne zymyranǵa qarsy qorǵanys kúshteri tarapynan zalalsyzdandyrylǵanyn habarlaǵan bolatyn.
