Foto: polisia.kz
Alaıaqtar áleýmettik jelilerde, messendjerler men túrli habarlandyrý saıttarynda tabysy joǵary, jol aqysy men jatyn orny tegin, tájirıbe men til bilýdi talap etpeıtin ońaı jumys usynamyz degen mátinde habarlandyrý jasaıdy. Mundaı habarlandyrýlar kóbine Telegram-daǵy arnalar, WhatsApp toptar men ózge de onlaın alańdarda taratylady.
Qazaqstandyqtardy shetelde jumysqa ornalastyratyn agenttikterdiń jumysy baqylanady
IIM shetelge barǵan azamattar is júzinde mynadaı jaǵdaılarǵa tap bolyp, qysym kórýi yqtımal ekenin habarlady:
- jeke kýáligi men ózge de qujattarynyń qoldy bolýy;
- erkin júrip-turý múmkindiginiń shektelýi;
- ınternet arqyly jasalatyn alaıaqtyq shemalarǵa kúshtep tartý;
- ýáde etilgen jalaqynyń berilmeýi;
- «bosatý» nemese elge qaıtarý úshin aqsha talap etý;
- qysym kórsetý, qorqytý.
Memleket basshysy alaıaqtyqqa qarsy kúrestiń jańa tásilderin oılastyrýdy tapsyrdy
Vedomstvo saqtyq úshin mańyzdy eskerilýi tıis talaptardy atap ótti:
- shetelge jumysqa tek resmı tirkelgen, lısenzııasy bar agenttikter arqyly baryńyz;
- jumys berýshi týraly málimetti jáne kelisimshart talaptaryn jan-jaqty tekserińiz;
- qujattaryńyz ben jeke derekterińizdi beıtanys adamdarǵa senip tapsyrmańyz;
- sapar baǵyty men baratyn jerińiz týraly jaqyndaryńyzǵa aldyn ala habar berińiz.
Internet-alaıaqtyqqa qarsy naqty nátıje: Jetisýda 600 myń teńge qaıtaryldy
Eger kúmándi usynys alsańyz nemese alaıaqtyq belgilerin baıqasańyz, birden quqyq qorǵaý organdaryna júgingen durys.
