Is-sharalar legi bilim berý uıymdarynda, joǵary oqý ornynda, óndiristik nysanda jáne belsendi jastar ókilderimen ashyq pikir almasý formatynda uıymdastyryldy. Kezdesýlerdiń negizgi maqsaty – qoǵammen tikeleı dıalog ornatyp, el damýynyń basym baǵyttaryn túsindirý jáne usynystardy talqylaý. Jumys tobynyń quramynda Parlament Májilisiniń depýtattary, jergilikti bılik ókilderi men máslıhat depýtattary, memleket jáne qoǵam qaıratkerleri, qoǵam belsendileri boldy.
Alǵashqy kezdesý №115 «Keleshek mektep» ujymymen ótti. Jıynda bilim salasynyń ózekti máseleleri, jas urpaqqa sapaly tárbıe men bilim berý baǵytyndaǵy reformalar sóz boldy. Spıkerler bilim berý júıesindegi jańashyldyqtar men pedagog mártebesin arttyrý sharalaryna toqtaldy.
Sonymen qatar kezdesýler S. Seıfýllın atyndaǵy Qazaq agrotehnıkalyq ýnıversıtetinde, Q. Qulajanov atyndaǵy Qazaq tehnologııa jáne bıznes ýnıversıtetinde joǵary bilim berý salasynyń qyzmetkerlerimen ótti. Kezdesý barysynda ǵylym men óndiris baılanysyn nyǵaıtý, eńbek naryǵyna beıimdelgen mamandar daıarlaý máseleleri talqylandy.
Sondaı-aq Jalpyulttyq koalısııa ókilderi L.N. Gýmılev atyndaǵy Eýrazııa ulttyq ýnıversıtetiniń stýdentterimen jáne jastarymen de kezdesý ótkizip, jańa Konstıtýsııanyń jastar saıasatyna, bilim berý júıesine jáne jas býynnyń múmkindikterin keńeıtýge yqpaly týraly pikir almasty.
Budan bólek, mádenıet jáne teatr salasynyń ókilderimen kezdesý uıymdastyrylyp, jańa Konstıtýsııadaǵy shyǵarmashylyq erkindik, mádenıet qaıratkerleriniń quqyqtary men qoǵamdaǵy mádenı damý baǵyty sóz boldy.
Aqparattyq is-sharalar aıasynda jumys toby «Mabetex Group» kompanııasynyń qyzmetkerlerimen, «Astana áleýmettik tehnologııalar» qoǵamdyq birlestiginiń múshelerimen, «Nurly jol» temirjol vokzalynyń ujymymen jáne №3 sorǵy-súzgi stansııasynyń (NFS-3) qyzmetkerlerimen kezdesti.
Sondaı-aq №24 mamandandyrylǵan órt sóndirý bóliminde de kezdesý ótti. Is-sharaǵa órt sóndirý bólimderiniń shamamen 100-ge jýyq qutqarýshysy men qyzmetkerleri qatysty.
Koalısııa ókilderi Qazaqstan Respýblıkasy Ulttyq ulanynyń 5573 áskerı bóliminde de kezdesý ótkizdi. Mundaǵy is-sharaǵa 1200-den astam sarbaz ben áskerı qyzmetshi qatysty.
Referendým-2026: Daýys berý ýchaskesin JSN arqyly qalaı tabýǵa bolady?
Kezdesýler barysynda sóz sóılegen spıkerler júzege asyrylyp jatqan reforma týraly aıtty.
«Jańa Konstıtýsııa jobasy 11 bólim men 96 baptan turady jáne memleket adamǵa qyzmet etýi tıis degen negizgi qaǵıdany bekitedi. Sonymen qatar Prezıdent Qasym-Jomart Toqaevtyń Parlamentti «Quryltaı» dep ataý bastamasy tarıhı sabaqtastyqty nyǵaıtýǵa baǵyttalǵan», dedi Parlament Májilisiniń depýtaty Dáýlet Turlyhanov
Kúnniń ekinshi jartysynda «Turan» gaz jylý stansııasynyń ujymymen kezdesý ótti. Onda energetıka salasynyń mańyzy, óndiristegi qaýipsizdik jáne áleýmettik jaýapkershilik máseleleri qozǵaldy.
Odan ári is-sharalar legi elordanyń abattandyrý jáne kógaldandyrý kásiporyndarynyń eńbek ujymdarymen – «Astana-Zelenstroı» jáne «Astana-Ormany», KEGOC ujymymen, sondaı-aq «Almaty» aýdanynyń Belsendi uzaq ómir súrý ortalyǵyndaǵy eńbek ardagerlerimen júzdesýmen jalǵasty.
«Jańa Konstıtýsııa jobasynda basty nazar adam kapıtalyn damytýǵa baǵyttalǵan. Bul sapaly bilim berý, kásibı daıyndyqty jetildirý jáne árbir mamannyń quqyqtary men mártebesin qorǵaý sharalaryn qamtamasyz etedi», dedi Májilis depýtaty Tatıana Saveleva.
Sapar aıasyndaǵy sońǵy kezdesý belsendi jastarmen ótti. Erkin formattaǵy dıalogta jas býynnyń bastamalary, azamattyq belsendilik, ınnovasııalyq jobalar jáne qoǵamdaǵy jastardyń róli talqylandy.
Májilis depýtaty Pavel Kazansev jańa Konstıtýsııa jobasy Qazaqstannyń barlyq deńgeıde qýatty memleket retinde qalyptasqan kemeldigin aıqyn kórsetetinin atap ótti.
Is-sharaǵa qatysýshylar júrgizilip jatqan ózgeristerge qyzyǵýshylyq tanytyp, konstıtýsııalyq reformalardyń mánin tolyq túsingenderin jetkizdi.
Kezdesýler qorytyndysynda jańa Konstıtýsııa jobasy memlekettilikti nyǵaıtýǵa, azamattardyń quqyqtary men áleýmettik kepildikterin keńeıtýge jáne basqarý júıesiniń tıimdiligin arttyrýǵa baǵyttalǵany aıtyldy.
Eske sala keteıik, «Ádiletti jáne Progressıvti Qazaqstannyń Halyqtyq Konstıtýsııasy úshin!» jalpyulttyq koalısııasy 12 aqpanda quryldy. Onyń quramyna 5 saıası partııa men shamamen 300-ge tarta qoǵamdyq uıym kirdi. Olar shamamen 5 mıllıon adamdy biriktiredi.
