Foto: istockphoto.com
Eldiń ońtústigi men ońtústik-shyǵysynda qar aralas jańbyr jaýýy múmkin. Soltústik óńirlerde burqasyn soǵyp, kóriný deńgeıi shekteledi. Respýblıka boıynsha jel kúsheıip, kóktaıǵaq pen tuman kútiledi. Dese de, kúndizgi aýa temperatýrasynyń birtindep kóterilýi baıqalady.
Astanada kún raıy qubylmaly. Túnde qar jaýsa, kúndiz azdaǵan jaýyn-shashyn kútiledi. Kóktaıǵaq pen jaıaý burqasyn bolýy múmkin. Aýa temperatýrasy túnde – -6...-8°S, kúndiz – -1...-3°S.
Qazaqstanda aýa raıynyń nasharlaýyna baılanysty birqatar tasjol erteńge deıin jabyldy
Almatyda qar aralas jaýyn-shashyn bolady. Tuman túsip, joldarda kóktaıǵaq bolady. Jeldiń ekpini 15 m/s-qa deıin jetedi. Aýa temperatýrasy túnde – -1...+1°S, kúndiz – +3...+5°S.
Shymkentte kún bultty, túnde jańbyr jaýady. Túnde jáne tańerteń tuman túsedi. Kúndiz aýa temperatýrasy +11°S-qa deıin kóteriledi.
