PETROPAVL. 26 maýsym. Alashtyń aqıyq aqyny Maǵjan esimin ıelengen festıval úshinshi ret uıymdastyrylyp, elimizdiń ár túkpirinen kelgen ónerpazdar úsh atalym boıynsha synǵa tústi. Bul týraly oblystyq ákimdiktiń baspasóz qyzmeti habarlady.
S. Muqanov atyndaǵy qazaq sazdy-drama teatrynda ótken alqaly basqosýda aımaq basshysy Erik Sultanov Maǵjan óner festıvali uly aqynnyń shyǵarmashylyq muralaryn júıeli nasıhattap, esimin el esinde saqtaý maqsatyn ditteıtinin aıta kelip, jınalǵandardy aıtýly sharanyń bastalýymen quttyqtady.
Maǵjanǵa arnalǵan jazba aqyndar múshaırasy boıynsha astanalyq daraboz aqyn Serik Turǵynbekov birinshi oryndy ıelendi. Maǵjan óleńderin mánerlep oqý saıysynda pavlodarlyq stýdent Bahathan Orazbektiń mereıi ústem boldy. Maǵjan óleńderine jazylǵan ánder konkýrsynda Qazaqstannyń eńbek sińirgen qaıratker Qalıbek Deripsaldınniń aty ozdy (Qostanaı).
«Maǵjan kóktemi» festıvalin qazylar alqasynyń tóraǵasy, Qazaqstan Jazýshylar odaǵy basqarmasy tóraǵasynyń birinshi orynbasary Ǵalym Jaılybaı qorytyndylap, baıqaý jeńimpazdary men qatysýshylarǵa oblys ákiminiń dıplomdary men alǵys hattaryn, aqshalaı syılyqtar tabys etti.
О́mir Esqalı.
Derek, sýret: Soltústik Qazaqstan oblystyq ákimdiginiń baspasóz qyzmeti.
