Memleket basshysy Dúnıejúzilik banktiń derekterin keltirip, álemde tabys deńgeıi tómen jáne ortasha elderde turatyn shamamen 1,6 mıllıard adamnyń áli kúnge deıin áleýmettik qoldaý sharalaryna qol jetkize almaı otyrǵanyn atap ótti. Osy turǵydan alǵanda, Qazaqstannyń áleýmettik qorǵaý júıesin kezeń-kezeńimen damytyp, onyń azamattarǵa qoljetimdi bolýyn qamtamasyz etýge umtylyp otyrǵany erekshe mańyzdy.
Prezıdent sondaı-aq kóptegen elderde sıfrlyq kedergiler áleýmettik teńsizdikti kúsheıtip otyrǵanyn aıtty. Al Qazaqstanda barlyq áleýmettik jeliler men zańdy onlaın servıster eshqandaı shekteýsiz jumys isteıdi. Bul memlekettik saıasattyń ashyqtyǵyn jáne qoǵamdaǵy pikir alýandyǵyn aıqyn kórsetedi.
Prezıdent: Máslıhattar tolyq sıfrlyq memleket qurý máselesine belsendi atsalysýy qajet
Búginde elimiz elektrondyq úkimet pen qarjylyq tehnologııalardy damytý boıynsha aldyńǵy qatarly memleketterdiń biri sanalady. Sonymen birge bul baǵyttaǵy jumys aldaǵy ýaqytta da jalǵasady. Sıfrlandyrý men jasandy ıntellektini keń aýqymda engizý memlekettik basqarýdyń tıimdiligin arttyrýmen jáne eldiń turaqty damýyn qamtamasyz etýmen tikeleı baılanysty strategııalyq mindet retinde qarastyrylyp otyr.
Kúrdeli geosaıası jaǵdaı men túrli syn-qaterlerge qaramastan, Qazaqstan ekonomıkasyn nyǵaıtyp, memlekettik ınstıtýttardy jańǵyrtyp, alǵa qaraı senimdi túrde qadam basyp keledi.
Shavkat ISMAILOV,
Qazaqstan halqy Assambleıasy
«Qazaqstan qyrǵyzdary qaýymdastyǵy» zańdy tulǵalar birlestiginiń tóraǵasy
