Foto: IIM
IIM resmı ókili Shyńǵys Alekeshov mundaı mańyzdy kezeńde áleýmettik jeliler men messendjerlerde jalǵan aqparattar men ádeıi taratylatyn arandatý habarlamalary jıi kezdesetinin eskertti.
«Olardyń maqsaty – qoǵamdy adastyrý jáne jaǵdaıdy turaqsyzdandyrý. Búginde sıfrlyq tehnologııalar men jasandy ıntellektiniń damýyna baılanysty jalǵan kontent jasaý burynǵydan áldeqaıda jeńildedi. Qysqa ýaqytta shyndyqqa uqsas, biraq adamdardy jańylystyratyn jalǵan materıaldar taralýy múmkin. Eske salamyz: kórineý jalǵan aqparat taratý – zań buzýshylyq. Mundaı áreketter úshin ákimshilik te, qylmystyq ta jaýapkershilik qarastyrylǵan», dedi Shyńǵys Alekeshov.
Naýryznama onkúndigi aıasynda «Referendým – 2026» atty onlaın marafon ótedi
IIM azamattardy zań talaptaryn saqtaýǵa jáne tekserilmegen aqparatty taratpaýǵa, aqparattyq mádenıetti saqtaýǵa shaqyratynyn málimdedi.
«Kúmándi habarlamalardy kórseńizder, ony ári qaraı jibermeńizder. Jalǵan aqparat kóbine dál osylaı taralady. Ishki ister mınıstrligi referendým kezinde qoǵamdyq tártip pen qaýipsizdikti tolyq qamtamasyz etedi. Jalǵan aqparat taratý jáne arandatýshylyq áreketter jedel anyqtalyp, den qoıylyp, zań aıasynda qatań qaralady. Sondyqtan tek resmı jáne senimdi aqparat kózderine ǵana senińizder», dedi departament bastyǵy – IIM resmı ókili Shyńǵys Alekeshev.
Qasym-Jomart Toqaev jastardy referendýmǵa belsene qatysýǵa shaqyrdy
