Kezdesý barysynda Senat depýtaty Janna Asanova jańa Konstıtýsııa jobasyndaǵy jastarǵa arnalǵan múmkindikterge toqtaldy. Onyń aıtýynsha, qujatta adamı kapıtalǵa basymdyq berilip, jastardyń bilim alý, kásibı ósý jáne ıdeıalaryn iske asyrý múmkindikteri keńeıtilgen. Sondaı-aq jastardyń saıası qurylymdar men partııalyq qyzmetke jáne referendýmǵa belsendi qatysýy olardyń quqyqtary men jaýapkershiligin arttyrady. Depýtat jastardan adaldyq, patrıotızm jáne ózin-ózi damytýǵa umtylý talap etiletinin atap ótti, al jańa ıdeıalar men bastamalar kóbinese jastardan týyndaıtynyn jetkizdi.
«Jastar» ǵylymı-zertteý ortalyǵynyń dırektory Gúlishan Nahbaeva jastardy memleket pen qoǵam arasyndaǵy strategııalyq resýrs dep atady. Ol sońǵy zertteýlerge sáıkes, jastardyń 86%-y bilim salasynan qanaǵattanǵanyn, ózderiniń kásibı jáne quqyqtyq saýattylyǵyn arttyrýǵa umtylatynyn atap ótti. Nahbaeva otbasy qundylyqtarynyń, densaýlyq pen bilim traektorııasynyń jastar úshin basty mańyzdy baǵyt ekenin, sondaı-aq Prezıdenttik kadr rezervi, «Serpin» baǵdarlamasy, «Táýelsizdik urpaqtary» jáne «Jastar praktıkasy» sııaqty 25 joba jastardyń áleýetin damytýǵa baǵyttalǵanyn aıtty. Vırtýaldy keńesshi jobasyn iske asyrý arqyly jastardyń ınnovasııalyq usynystary men talpynystarynyń qoldaý tapqany da atap ótildi.
Jalǵan aqparattar taraýy múmkin: Mınıstrlik referendým qarsańynda azamattarǵa úndeý jasady
Kezdesýge Parlament depýtattary, Jalpyulttyq koalısııa ókilderi, mınıstrlikter men vedomstvolyq komıtetter basshylary, sarapshylar, zańgerler, qoǵam qaıratkerleri, jastar uıymdary men resýrstyq ortalyqtar, eriktiler jáne BAQ ókilderi qatysty. Sarapshylar jastardyń 15 naýryzda ótetin Jalpyulttyq referendýmǵa qatysýynyń mańyzdylyǵyn, olardyń el ómirine belsendi aralasýy men quqyqtyq saýatyn arttyrý qajettigin erekshe atap ótti.
Jańa Konstıtýsııa jobasy jastar úshin adamı kapıtalǵa basymdyq berip, bilim, qabilet pen talantty damytýǵa jaǵdaı jasaıdy. Olardyń saıası belsendiligine qoldaý kórsetilip, partııalyq jáne quryltaı qyzmetine qatysý múmkindigi beriledi. Quqyqtyq jáne sıfrlyq saýattylyqty arttyrýǵa baǵyttalǵan jobalar men platformalar júzege asady. Jastardyń ıdeıalary men bastamalaryna qoldaý kórsetý arqyly ınnovasııalyq áleýetti iske asyrýǵa múmkindik týady.
Ortalyq referendým komıssııasy úgit jumystarynyń qashan aıaqtalatynyn málimdedi
Bul shara jastar men qoǵam arasynda ashyq dıalog qalyptastyrýǵa, jańa Konstıtýsııa jobasyn túsindirýge jáne olardyń eldiń damýyna qosatyn úlesin arttyrýǵa baǵyttalǵan mańyzdy alań boldy.
Referendým kúni ár eki saǵat saıyn daýys berý barysy týraly aqparat jarııalanady
