Abaı oblysynda túnde jáne tańerteń oblystyń batysy, soltústigi men ortalyǵynda qar jaýyp, jaıaý burqasyn soǵady, kóktaıǵaq bolýy múmkin. Keı jerlerde tuman túsedi. Jel soltústik-batystan soǵyp, keıin soltústik-shyǵysqa aýysady. Kúndiz oblystyń ońtústik-batysynda jeldiń jyldamdyǵy sekýndyna 15-20 metrge deıin kúsheıedi.
Aqtóbe oblysynyń soltústigi men shyǵysynda tuman kútiledi. Jel ońtústik-shyǵystan soǵyp, kúndiz batys pen ońtústikte soltústik-shyǵysqa aýysady, ekpini 15 m/s-qa deıin jetedi.
Aqmola oblysynyń batysy, soltústigi jáne ońtústiginde tuman túsip, joldarda kóktaıǵaq bolýy múmkin.
Atyraý oblysynyń shyǵysynda túnde jáne tańerteń tuman kútiledi. Sonymen qatar oblystyń batysy, ońtústigi jáne shyǵysynda shańdy daýyl bolýy yqtımal. Jel shyǵys jáne ońtústik-shyǵys baǵyttan soǵyp, ekpini 15-20 m/s-qa deıin kúsheıedi.
Shyǵys Qazaqstan oblysynyń soltústiginde túnde jáne tańerteń qar jaýyp, jaıaý burqasyn soǵady, kóktaıǵaq bolady. Keı jerlerde tuman túsýi múmkin.
Jambyl oblysynyń ońtústigi men taýly aımaqtarynda tuman kútiledi. Jel soltústik-shyǵystan soǵyp, oblystyń ońtústik-batysynda, soltústik-shyǵysynda jáne taýly óńirlerinde 15-20 m/s, kúndiz keı jerlerde 23 m/s-qa deıin kúsheıedi.
Batys Qazaqstan oblysynyń batysy, soltústigi jáne ońtústiginde tuman bolady. Jel shyǵys jáne ońtústik-shyǵystan soǵyp, keı jerlerde 15-20 m/s jyldamdyqpen kúsheıedi.
Qostanaı oblysynda tuman kútiledi.
Qyzylorda oblysynyń soltústiginde tuman túsedi. Jel soltústik-shyǵys jáne shyǵys baǵyttan soǵyp, kúndiz ortalyq jáne shyǵys bóliginde 15-20 m/s-qa deıin kúsheıýi múmkin.
Mańǵystaý oblysynyń soltústigi, ońtústigi jáne ortalyǵynda shańdy daýyl boljanyp otyr. Jel ońtústik-shyǵystan soǵyp, ekpini 15-20 m/s, kúndiz keı ýaqyttarda 23 m/s-qa deıin jetedi.
Pavlodar oblysynyń ońtústigi men shyǵysynda túnde kóktaıǵaq bolady. Oblystyń batysy, ońtústigi jáne shyǵysynda tuman kútiledi.
Boljamdar naqtylana túspek: «Qazgıdromet» sýperkompıýterdi paıdalana bastady
Soltústik Qazaqstan oblysynyń batysy, soltústigi jáne ońtústiginde tuman túsýi múmkin.
Túrkistan oblysynyń batysy, soltústigi, ońtústigi jáne taýly aýdandarynda tuman kútiledi. Jel soltústik-shyǵystan soǵyp, keı jerlerde 15-20 m/s-qa deıin kúsheıedi.
