Alıans málimdemesinde ótken respýblıkalyq referendým jaı ǵana daýys berý emes, ulttyq birliktiń shynaıy kórinisi bolǵany atap ótilgen.
«Saılaýshylardyń 73 paıyzdan astamynyń qatysýy jáne azamattardyń shamamen 90 paıyzynyń Konstıtýsııanyń jańa redaksııasyn qoldaýy – bul jaı ǵana statıstıka emes.
Bul – halyq erkiniń tikeleı kórinisi ári árbir azamattyń Ádiletti Qazaqstandy qurýǵa degen sanaly umtylysy», delingen málimdemede.
Qazaqstan Azamattyq alıansy úkimettik emes uıymdardyń ókilderine, qoǵamdyq belsendiler men eriktilerge tereń rızashylyǵyn bildirdi.
«Sizder aýqymdy jumys atqardyńyzdar: elimizdiń árbir óńirinde, qalasy men aýylynda ashyq dıalog júrgizip, azamattarǵa konstıtýsııalyq reformalardyń máni men mańyzyn tereń túsinýge yqpal ettińizder. Sizderdiń qajyr-qaırattaryńyz ben kásibılikterińiz osy referendýmnyń shynaıy «únine» aınaldy. Úderistiń ashyqtyǵy men zańdylyǵyn qamtamasyz etýde táýelsiz baıqaýshylar men sarapshylardyń róli erekshe boldy. Dál sizderdiń ustanymshyldyqtaryńyz ben ashyqtyqqa negizdelgen jumystaryńyz daýys berý nátıjelerine degen joǵary qoǵamdyq senimniń berik negizin qalyptastyrdy. Jańartylǵan Konstıtýsııa – bul bizdiń jańa qoǵamdyq kelisimimiz. Bul – úlken joldyń bastaýy», delingen habarlamada.
Alıans azamattyq qoǵam ókilderin qabyldanǵan normalardy iske asyrý úshin osy jasampaz energııany saqtaýǵa shaqyryp, ár azamatqa azamattyq batyldyǵy, jaýapkershiligi jáne quqyqtyq memleketimizdiń damýyna qosqan úlesi úshin alǵys aıtty.
