Foto: Ulttyq ulan
Jańa avtokólikter Ishki ister mınıstriniń orynbasary – Ulttyq ulannyń Bas qolbasshysy Ańsaǵan Baltabekovke tanystyryldy. General-maıor A. Baltabekov qoǵamdyq qaýipsizdikti qamtamasyz etetin áskerı bólimderdiń tehnıkalyq bazasyn jańartýdyń mańyzdylyǵyna erekshe toqtaldy.
«Ulttyq ulan qoǵam tynyshtyǵyn, zań men tártipti qorǵap otyr. Qyzmettik-jaýyngerlik mindetterdi oryndaý joǵary daıyndyq pen jedel áreket etýdi talap etedi. Jańa avtopatrýlder bólimshelerdiń áleýetin ádil arttyryp, qyzmet tıimdiligin kúsheıtedi dep senemin», dedi Bas qolbasshy.
Jańadan kelgen tehnıka patrýldik qyzmettiń sapasyn jaqsartýǵa, shaqyrtýlarǵa áreket etý ýaqytyn qysqartýǵa jáne azamattardyń qaýipsizdigin arttyrýǵa múmkindik beredi.
Aıta keteıik, materıaldyq-tehnıkalyq bazany jańǵyrtý jumystary júıeli túrde júrgizilip jatyr. Qysqa merzim ishinde Ulttyq ulan bólimshelerine 336 zamanaýı tehnıka jetkizilgen, onyń ishinde 120-dan astamy «Ońtústik» óńirlik qolbasshylyǵynyń áskerı bólimderine úlestirilgen.
Ulandar alǵashqylardyń biri bolyp daýys berip, qoǵamdyq tártipti kúzetýge kiristi
Avtoparktiń jańartylýy – eldegi turaqtylyq pen quqyqtyq tártipti qamtamasyz etý mindetterin oryndaý turǵysynda Ulttyq ulannyń jaýyngerlik ázirligin nyǵaıtýǵa jáne qyzmet tıimdiligin arttyrýǵa baǵyttalǵan mańyzdy qadam.
