Basty baǵdar – ónim sapasy

Elimizdiń Dúnıejúzilik ­saýda uıymyna kirý jónindegi kelisimderiniń sátti aıaqtalýy bizdi jańa belesterge talpyndyra tústi. Mundaı qadamǵa elimiz jaıdan-jaı bara qalǵan joq. Naryq kókjıegin keńeıtý úshin elimiz aldymen kedendik odaqqa múshe boldy, Eýrazııalyq ekonomıkalyq odaqqa endi. DSU-ǵa múshe bolýǵa 19 jyl daıyndyqpen kelip otyrǵany­nan da bul máselege Elbasy­nyń qanshalyqty mán bergenin ańǵarý qıyn emes. Árıne, qandaı da jańa bastamanyń ózindik qıyndyqtary bolary sózsiz. Memleket basshysy bul jolda da qıyndyqtar bolatynyn aldyn ala eskertti. Degenmen, osy jyldarda bul baǵytta mol tájirıbe jınaldy. Syrtqy jáne ishki naryqta ónimder men taý­arlar ótkizýdiń ózindik úrdisi qalyptasty. Sonyń ózinde de Dú­nıe­jú­zilik saýda uıymynyń alǵa ­tartar syndary bar ekenin joq­­qa shyǵarý­ǵa bolmaıdy. Munda básekelestik alǵa shyǵady. Shetelden arzan da sapaly ­taýarlar men ónimder aǵylady. Biz soǵan daıyn bolýy­myz ­kerek. Mundaı jaǵdaıda sapa men baǵanyń arzandyǵy sheshýshi tutqa bolady. Biz egemendik alǵannan bergi kezeńde otandyq ónimderdiń básekege qabilettiligin artyrý­da biraz nátıjege qol jetkiz­dik desek te, bul baǵyttaǵy izdenister ilgerileı berýi tıis. Bul – DSU-nyń da, ýaqyttyń da talaby. Bir orynda turyp qalsań, ornyńdy ózgeler enshilep ketýi ábden múmkin. Sondyqtan otandyq kásip­kerlerdiń basty baǵdary erteń­gi kúnmen ómir súrýge daǵdy­laný der edim. Básekege qabi­letti ónim shyǵarý bizdi bu­ryn­ǵydan da shırata túsýi kerek. Báse­kelestik kásipkerlerdiń ekinshi tynysyn ashyp, is-qımylyna serpin beredi dep oılaımyn. Árıne, maǵan bizdiń óńirge tosyndaý kásippen aıalysý ońaıǵa túsken joq. Bastap­qy­da júreksingenim de ras. Sańy­raýqulaq ósirýmen aınalysýǵa apam Aqmaral aqyl-keńes berdi. Bul bastamamdy joldasym Amandyq ta qoldady. 2014 jyly kásipkerlik negizderine oqyp, qolyma sertıfıkat tıisimen sharýany júrgizýge kiristim. О́tken jyly sańyraýqulaq ósirý jáne ótkizýge «Jumyspen qamtýdyń jol kartasy-2020» memleket­tik baǵdarlamasy­nyń ekinshi baǵyty aıasynda 1,5 mıllıon teńge nesıege qol jetkizdim. Alǵan qarajatqa jalpy alańy 30 sharshy metr shaǵyn jylyjaı salyp, 100 keli mıselıı, qosymsha tyńaıtqyshtar jáne basqa qajetti zattardy satyp aldym. Jubaıym Amandyq qajetti qural-jabdyqtardy ornatýǵa qolǵabys berdi. Ústimizdegi jyly sańy­raý­qulaqtan eki ret ónim aldym. Olardy Aqtóbe qala­syn­daǵy meıramhanalar men dám­hanalarǵa, qoǵamdyq tamaq­tandyrý oryndaryna ótkizdim. Bolashaqta dúkender men bazarlarǵa da shyǵarýdy kózdeýdemin. Aldaǵy ýaqytta sańyraýqulaqty tuzdap, marınadtap, óńdep, qalbyrǵa salyp saýdaǵa shyǵarýdy oılastyrýdamyn. Túrli salattar jasaıtyn, sańyraýqulaq qosylǵan mánti, túshpara, pashtet shyǵaratyn seh ashý da oıymda bar. Sańyraýqulaq tuqymyn zertteıtin zerthana salsam ba dep júrmin. Osynyń bári saıyp kelgende qaıtkende de sapaly ónim óndirý qajettiginen týyp otyrǵany shyndyq. Árıne, ilgeri basýǵa iz saldyq. Alaıda, Elbasy aıtqandaı DSU-ǵa múshe bolýdyń ózin­dik jaýapkershilikteri men qaýip-qaterleri de bar. Biz báse­kege daıyn bolýymyz kerek, kásip­kerligimizdi saraptap, jańa­sha jumys isteýge talaptanýymyz qajet. Sonda ǵana elimizdiń saý­da-sattyǵynyń 90 paıyzyn qam­tamasyz etetin DSU-ǵa múshe elder­diń ortasynan oıyp turyp ornymyzdy alarymyzǵa senim mol. Maıra Bımasheva, kásipker. Aqtóbe oblysy, Qobda aýdany.