Atap aıtqanda, Threads platformasynda belgisiz akkaýnt arqyly bir qoldanýshy áskerde qyzmet etken kezinde jynystyq zorlyq-zombylyqqa ushyraǵanyn málimdegen. Jazbada ol bir jyl buryn áskerden oralǵanyn, alaıda bastan ótkergen aýyr jaǵdaıdy áli kúnge deıin umyta almaı júrgenin aıtqan. Sondaı-aq, avtor óz sózinde áskerı bólimdegi komandıri tarapynan qorqytý bolǵanyn, qysym kórsetilip, jynystyq sıpattaǵy áreketterge májbúrlegenin jazǵan.
Asa iri mólsherdegi alaıaqtyq jáne jalǵan aqparat: Almatyda Sanjar Boqaev ustaldy
Bul jazba jeli qoldanýshylary arasynda úlken rezonans týdyryp, kóptegen pikirtalasqa sebep boldy. Kópshilik oqıǵaǵa alańdaýshylyq bildirip, qoldaý kórsetken. Alaıda júrgizilgen tekseris nátıjesinde bul aqparattyń shyndyqqa sáıkes kelmeıtini anyqtalǵan.
Quqyq qorǵaý organdarynyń málimetinshe, kúdikti azamat atalǵan oqıǵany ádeıi oıdan shyǵaryp, jalǵan málimet taratqan. Qazirgi ýaqytta is boıynsha tergeý amaldary júrgizilip jatyr.
Mamandar mundaı jaǵdaılar qoǵamda negizsiz dúrbeleń týǵyzyp, azamattardy adastyrýy múmkin ekenin eskertedi. Sondyqtan áleýmettik jelilerde taraǵan aqparattyń shynaıylyǵyna kóz jetkizip, tek resmı derekkózderge súıený mańyzdy.
Qostanaıda terrorızm aktisi týraly jalǵan aqparat bergen jasóspirim jaýapqa tartyldy
