Kollajdy jasaǵan Záýresh SMAǴUL, «EQ»
Úshinshi aptanyń qorytyndysy boıynsha talapkerlerdiń 67,11%-y shekti ball jınaǵan. Bes pán boıynsha ortasha ball 63 baldy qurady. Eń joǵary nátıje – 139 ball.
Erekshe bilim berý qajettilikteri bar oqýǵa túsýshiler úshin arnaıy jaǵdaılar jasalǵan, sonyń arqasynda UBT-ǵa 283 talapker qatysty.
Talapkerler test tapsyrmalaryn oryndaǵannan keıin 30 mınýt ishinde apellıasııa berýge quqyly. Tehnıkalyq sebepter boıynsha apellıasııa tikeleı testileý kezinde de qabyldanady. Apellıasııa qaralǵan soń, nátıjeleri bar sertıfıkattar jeke kabınetterde qoljetimdi bolady.
Naýryzdaǵy UBT: Semeılik oqýshy Erasyl Saılaýov 140 ball jınady
Úshinshi aptada 179 ereje buzýshylyq anyqtaldy. Onyń ishinde 97 talapker smartfon, shpargalka jáne basqa da tyıym salynǵan zattardy alyp kirmek bolǵany úshin testileýden shettetildi. Taǵy 82 adam test kezinde erejeni buzǵany úshin aýdıtorııadan shyǵarylyp, olardyń nátıjeleri joıyldy. О́zge adamdardyń ornyna kirý faktileri anyqtalǵan joq.
2026 jylǵy UBT aıaqtalǵannan keıin kúntizbelik jyldyń 31 qazanyna deıin beınejazbalarǵa taldaý júrgiziledi. Eger tyıym salynǵan zattardy paıdalaný nemese erejeni buzý faktileri anyqtalsa, UBT nátıjeleri joıylady.
Esterińizge sala keteıik, testileýge qatysýǵa shamamen 184 myń ótinish túsken.
