О́SKEMEN. 26 aqpan. Shyǵys Qazaqstan oblysynyń Besqaraǵaı aýdanynda «Nur Otan» partııasynyń qoldaýymen Keńes Odaǵynyń Batyry Mahmet Qaıyrbaevtyń 90 jyldyǵyna oraı shahmattan týrnır ótti. Bul týraly egemen.kz tilshisi habarlady.
Aýdandyq ardagerler úıinde «Ardagerlerdi ardaqtaıyq» partııalyq jobasy aıasynda «Nur Otan» partııasynyń Besqaraǵaı aýdandyq fılıalynyń qoldaýymen ótken týrnırge bastaýysh partııa uıymdarynyń komandalary qatysty. Olardyń ishinde Besqaraǵaı, Jetijar, Glýhovka, Kanonerka, Qarabas, Baskól, Kishi-Vladımırovka saılaý okrýgteriniń bastaýysh partııa uıymdary bar.
«Maqsatymyz – turǵyndardyń shahmat oıynyna qyzyǵýshylyǵyn arttyra otyryp, shyǵarmashylyq qabiletterin damytý. Sondaı-aq Besqaraǵaı aýdanynan shyqqan áıgili jerlesimiz, Keńes Odaǵynyń Batyry Mahmet Qaıyrbaevtyń erligine taǵzym etip, búgingi urpaqtyń beıbit ómir súrýi jolynda qan keshken Uly Otan soǵysynyń ardagerlerine qurmet kórsetý», – dedi «Nur Otan» partııasy Besqaraǵaı aýdandyq fılıaly tóraǵasynyń birinshi orynbasary Bolat Omarov.
Oıyn nátıjesinde I oryndy – №2 Besqaraǵaı saılaý okrýgi, II oryndy – № 5 Glýhovka saılaý okrýgi, III oryndy – №1 Baskól aýyldyq okrýginiń bastaýysh partııa uıymdary aldy. Qatysýshy komandalar maqtaý qaǵazdarymen marapattalyp, aqshalaı syılyqtarǵa ıe boldy.
«Jastar arasynda salaýatty ómir saltyn nasıhattaý, aǵa urpaqtan ónege alý ispetti taǵylymdy dúnıe osyndaı sharalardan bastaý alady. Sondyqtan Uly Jeńistiń 70 jyldyǵy qarsanyńda shahmattan týrnır ótkizip otyrǵan «Nur Otan» partııasyna alǵys aıtamyz», – dedi aýdan ardageri Saıran Nurseıitov.
Dýman Anash.
Derek: egemen.kz.
Sýret: «Nur Otan» partııasynyń ShQO fılıaly.
