Maqsat – júıeli usynystar ázirleý

Prezıdenttiń kómekshisi – Qazaqstan Respýblıkasy Qaýipsizdik Keńesiniń hatshysy Nurlan Ermekbaevtyń tóraǵalyǵymen keńes ótti, dep habarlady Prezıdenttiń baspasóz qyzmeti. Quqyq qorǵaý organdary qyzmetiniń ashyqtyǵyn, qyz­met­kerlerdiń etıka saqtaýy men olardyń azamattar aldyndaǵy jaýap­kershiligin qamtamasyz etýge baǵyttalǵan júıeli usynystar ázirleý jónindegi otyrys jumy­syna arnaıy qyzmetter men quqyq qorǵaý organdarynyń, Prezıdent Ákimshiliginiń qurylymdyq bólimsheleriniń basshylary qatysty. Otyrys barysynda kadrlyq jumystyń jaı-kúıi jáne onyń tıimdiligin arttyrý boıynsha qabyldanyp jatqan sharalar talqylandy. Kadrlardy irikteý men ornalastyrý júıesin jetildirýge, olardy kásibı oqytýǵa jáne azamattardyń minez-qulyq etıkasynyń úlgisin ázirleýge erekshe kóńil bólindi. Sonymen qatar, qyz­met­kerlerdiń mártebesin kóterý, qyz­metkerlerdiń jáne quqyq qorǵaý organdarynyń jumysyn baǵalaý krıterıılerin ózgertý máseleleri de qaraldy. Keńes qorytyndysy boıynsha, memlekettik organdarǵa eń úzdik halyqaralyq tájirıbelerdi jáne óz tájirıbesin eskere otyryp, kadrlyq jumystyń tıimdiligin, qyzmetkerlerdiń minez-qulyq etıkasyn arttyrý jóninde usynystar engizýge tapsyrma berildi.