Foto: Vıdeodan alynǵan kadr
Eger jol jabyny zaqymdansa, sý eldi mekenge qaraı erkin taraýy múmkin edi. Alaıda qazirgi jaǵdaıda jol tolyqtaı bútin kúıinde saqtalyp otyr, qozǵalysqa shekteý qoıylmaǵan. Sonymen qatar sý ótkizý qubyry sýdyń jınalýyna jol bermeı, ony qaýipsiz baǵytqa buryp otyr.
Mundaı tótenshe jaǵdaılar bir sátte sheshilmeıdi. Olar aldyn ala jasalǵan júıeli jumystardyń nátıjesinde ǵana eńseriledi.
«QazAvtoJol» mamandarynyń málimetinshe, sońǵy 2 jylda eldegi sý tasqyny qaýpi bar ýchaskeler sany 284-ten 184-ke deıin qysqarǵan. Olardyń jalpy uzyndyǵy da aıtarlyqtaı azaıyp, 206 km-den 83 km-ge deıin tómendegen. Buryn ondaǵan jerden sý asyp ótse, qazir mundaı jaǵdaılar jekelegen ǵana jaǵdaı retinde tirkeledi.
Shóptikól bógetindegi qazirgi ahýal: Sabyndy aýylynda sý tasqyny qaýpi joıyldy
Bul nátıjege qol jetkizý úshin sý ótkizetin qubyrlar tazartylyp, jańalary ornatylǵan, sý aǵynyn esepteý júıeleri jetildirilip, turaqty monıtorıng júrgizilip otyr. Tek ótken jyly ǵana 500-den astam sý ótkizý qubyry ornatylǵan, al bıyl bul jumystar jalǵasady.
Elimizde jol jelisiniń uzyndyǵy 25 myń shaqyrymnan asady. Kóktemgi kezeń – osy ınfraqurylym úshin naǵyz synaq. Sý tasqyny, temperatýranyń kúrt ózgerýi jáne jer bederine túsetin qysym – bári júıeniń beriktigin tekseredi. Keı jerlerde buryn bolmaǵan jańa qaýipter de paıda bolýy múmkin.
