Alqaly jıynǵa Prezıdent Ákimshiliginiń ókilderi, Parlament depýtattary, quqyq qorǵaý jáne arnaıy organdardyń basshylary, sondaı-aq qarjy uıymdary men baılanys operatorlarynyń ókilderi qatysty.
Otyrys barysyndaǵy kıberqylmys deńgeıiniń aıtarlyqtaı azaıǵany atap ótildi. Statıstıkalyq málimetterge súıensek, bıylǵy jyldyń alǵashqy úsh aıynda mundaı quqyqbuzýshylyqtar sany 15,1 paıyzǵa (6 216-dan 5 275-ke deıin) qysqarǵan.
Bul oń dınamıka Memleket basshysy Qasym-Jomart Toqaevtyń qylmyspen kúreste reaktıvti áreketten proaktıvti, ıaǵnı qylmystyń aldyn alýǵa baǵyttalǵan júıeli jumysqa kóshý jónindegi tapsyrmasynyń jemisi.
SMS-blaster men dıpfeık: Bas prokýratýra 18 jańa kıberqaýipti anyqtady
Kıberqylmyskerlerdiń jolyn kesý maqsatynda nesıe berý salasynda birqatar «tosqaýyldar» qoıyldy:
- «Salqyndaý kezeńi»: Azamattarǵa asyǵys nesıe rásimdeýge jol bermeıtin ýaqyt aralyǵy engizildi.
- Alǵashqy qaryzdy alý kezinde azamattyń bankte mindetti túrde jeke bolý talaby bekitildi.
- Bıometrııalyq sáıkestendirý men ózge de sıfrlyq kedergiler iske qosyldy.
Alaıaqtyq qońyraýlardyń aldyn alý úshin baılanys salasynda da túbegeıli ózgerister jasaldy. Atap aıtqanda, SIM-bokstardy paıdalanýǵa tyıym salynsa, abonentterdi bıometrııalyq tirkeý men antıfrod-júıelerdi qoldaný operatorlar úshin mindetke aınaldy.
Sonymen qatar alaıaqtarǵa óz shottaryn berip, aqsha jylystatýǵa kómektesetin «dropperler» úshin qylmystyq jaýapkershilik engizildi. Qylmystyq kodekstiń jańadan engizilgen 232-1-baby boıynsha búginde 446 is tirkelip úlgergen.
Saq bolyńyz: Alaıaqtar medısına qyzmetkeri retinde habarlasa bastady
Ulttyq bank janynan qurylǵan Antıfrod-ortalyqtyń jumysy da nátıjeli. Ortalyq arqyly alaıaqtardyń qolyna túsýi tıis bolǵan 2,8 mlrd teńge ýaqtyly buǵattalyp, ıelerine saqtap qaldy.
Budan bólek, quqyq qorǵaý organdary sıfrlyq aktıvter men krıptovalıýtalardy urlaý shemalaryn áshkereleýge, sondaı-aq vırtýaldy arnalar arqyly jasalatyn jappaı alaıaqtyq shabýyldarǵa qarsy kúresti kúsheıtti.
Jıyn sońynda zań men tártipti nyǵaıtý baǵytyndaǵy vedomstvoaralyq yntymaqtastyqty odan ári arttyrý boıynsha naqty mindetter belgilendi.
