Quqyq qorǵaý organdarynyń málimetinshe, Torbaly aýdanyndaǵy lıseı oqýshylary WhatsApp messendjerinde arnaıy top quryp, onda orta mektepke shabýyl jasaý josparyn talqylaǵan. Jasóspirimder bul áreketti buǵan deıin Shanlyýrfa men Kahramanmarashta bolǵan qaıǵyly oqıǵalarǵa uqsas ssenarıı boıynsha júzege asyrmaq bolǵan kórinedi.
Túrkııada oqýshy mektepte atys shyǵardy: 16 adam zardap shekti
Tergeý amaldarynyń nátıjesinde segiz kúdikti ustaldy. Olardyń altaýy – 17 jasta, bireýi – 18 jasta, al taǵy bir músheniń jasy ázirge naqtylanbaǵan. Kúdiktilerdiń úıleri men sıfrlyq qurylǵylaryn tintý barysynda qylmys josparyn aıǵaqtaıtyn bultartpas dálelder tárkilengen.
Sot sheshimimen ustalǵandardyń ekeýi úıqamaqqa alynyp, ekeýi sot baqylaýyna berilgen. Taǵy úsh jasóspirim úıine jiberilip, segizinshi kúdiktige qatysty bultartpaý sharasy qandaı ekeni belgisiz.
