Bitimgerlerdiń BUU mıssııasyna daıyndyǵy tekserildi

30 ret

kórsetildi

1 mın

oqý úshin

Qorǵanys mınıstriniń orynbasary general-maıor Asqar Mustabekov Almaty garnızonyna jumys sapary barysynda úshinshi ulttyq bitimgerlik kontıngenttiń daıyndyq barysyn pysyqtady. Qazaqstandyq áskerı qyzmetshiler BUU-nyń Golan jotalaryndaǵy mıssııasyn oryndaýǵa saqadaı saı, dep habarlaıdy Egemen.kz.

Qyrmyzy JUMAǴALIQYZY

Bitimgerlerdiń BUU mıssııasyna daıyndyǵy tekserildi

Foto: Qorǵanys mınıstrligi

Mınıstrliktiń «Bitimger» oqý-jattyǵý ortalyǵynda general-maıor A. Mustabekovke bitimgerlerdi daıarlaýdyń tolyq sıkli tanystyryldy. Baǵdarlama halyqaralyq standarttarǵa negizdelgen, sondaı-aq taktıkalyq, arnaıy medısınalyq jáne tildik daıyndyqty qamtıdy.

Sapar barysynda ortalyqtyń oqý-materıaldyq bazasy, bitimgerlerdiń zamanaýı jabdyqtary men jaýyngerlik kıim-keshekteri tekserildi. General-maıor áskerı qyzmetshilerdi daıarlaý deńgeıine joǵary baǵa berip, sabaqtardyń sapasyn erekshe atap ótti.

Golan jotalarynda Qazaqstannyń qansha bitimgeri qyzmet etedi?

Sapar úshinshi bitimgerlik kontıngenttiń jeke quramymen kezdesý saltanatty sapqa turý rásimimen aıaqtaldy. Mınıstrdiń orynbasary Qazaqstannyń jahandyq beıbitshilikti saqtaýdaǵy rólin atap ótip, jeke quramǵa Qorǵanys vedomstvosy atynan baǵaly syılyqtar tabys etti.

Golan jotalarynda myńnan asa qaýipti zat tabyldy

Aıta keteıik, BUU-nyń Golan jotalaryndaǵy bólingen aımaqty baqylaý mıssııasy 1974 jyldan beri jalǵasyp keledi. Qazaqstan bul mıssııaǵa 2024 jyldan bastap derbes ulttyq kontıngent retinde qatysady.