«Spartak» 102-degi jankúıerine 500 myń rýbl berdi

ASTANA. 27 naýryz. Máskeýdiń «Spartak» komandasynyń fýtbolshylary klýbtyń tonaýdan zardap shekken 102 jastaǵy jankúıeri Otto Fısherge 500 myń rýbl aqsha tapsyrdy. Bul týraly Lenta.ru habarlady. Kórsetilgen kómek jónindegi aqpar aldymen klýbtyń Twitter-degi resmı akkantynda paıda boldy. Shabýylshy Vıacheslav Krotov Jeńistiń 70 jyldyǵyna arnalǵan televızııalyq habarlardyń birin jazý kezinde «qyzyl-aq» jeıdelilerdiń erteden bergi tabynýshysymen kezdesip, oǵan aıtylǵan aqshany tapsyrdy. Budan buryn «Spartaktyń» fan-klýbynda Fısherge kómek kórsetý úshin aqsha jınalatyn esepshottyń ashylǵany habarlanǵan bolatyn. Komanda ókilderi 4 sáýir kúni «Kýbanmen» ótetin oıynǵa satylatyn bıletten túsetin aqshanyń da bir bóligi qart jankúıerlerge beriletinin jetkizdi. Másele mynada. Naýryzdyń aıaǵyna qaraı Fısherdiń Chelıabi oblysyndaǵy Kopeısk qalasyndaǵy úıi tonalyp qalǵan edi. Áleýmettik salanyń mamany retinde kirgen jas jigit úı ıesi sý ákelip berem degenshe, úıdegi 730 myń aqshany alyp, joq bolyp ketken. Damır Qojamqul. Mánbe, sýret: Lenta.ru.