Aqsaqal shaǵynda Muhańnan jurt túrli jıyn ústinde bata suraıtyn. Sonda ol kisi: «Men Otyrarda jer kepede týyp, halyqpen birge soǵys aýyrtpashylyǵyn kórdim. Qasqasýda asqar taýǵa qarap, bıiktikti armandadym. Anam, aýyl aqsaqaldary, asyl ájeler – tárbıe mektebim boldy. Solardyń batasy qulaǵymda tur. Sony jetkizip, óz oıymdy qosaıyn» dep, myna aq batasyn bergeni esimizde:
«Aınalaıyndar!
Jaratqan ıemiz jar bolsyn!
Júz jıyrma tórt myń paıǵambar,
Otyz úsh myń sahaba,
Toqsan toǵyz mashaıyq,
Qaıyp ata, Qaz ata,
Saıramda bar sansyz bab,
Túrkistanda túmen bab,
Otyrarda otyz bab,
Eń úlkeni Arystan bab –
Qazaq jerindegi barlyq áýlıe-ánbıe
Arýaǵy qoldasyn!
Barshańyzǵa temirqazyq –
Shyndyq pen ulttyq múdde
Bıikten jarqyrasyn!
Qazaq tili men rýhynyń aıy ońynan,
Juldyzy solynan týsyn!
Ultymyzdyń sany júz mıllıonnan assyn!
Allahý akbar!..».
Keshe artynda qalǵan qalyń jurty Muhańnyń áziz súıegin, ózi amanattaǵandaı, «Otyrarda otyz bab, Eń úlkeni Arystan bab» mańyndaǵy qorymǵa arýlap qoıdy.
Eskergen Imanbaı
