Almaqtyń da salmaǵy bar

Halqymyzdyń salt-dástúri men ómir súrý daǵdysynda ákelik qamqorlyq bir aýyz tirkes bar. Bul shyn mánisinde óte mándi sóz. О́ıtkeni, ákelik qam­qor­lyq­qa bólengen áýletter men otba­sylardyń jáı-kúıi tómen bolmaıdy. Áıtse de, qoldaý men qamqorlyq kórsetýdiń mundaı túri otbasylyq deńgeıden asa almaıdy. Endeshe, biz osy tirkesti memlekettik qamqorlyq uǵymymen almastyrshaq she? Talas joq. Onyń aýqymy óte keń. Máni men maǵynasy da óte joǵary, ári tıgizer shapaǵaty da eldik sıpat alady. Bul arada eń basty aıtaıyn degenim, bizder otandyq kásipkerler qaýymy elimiz táýelsizdik alǵan kezeńdegi sońǵy on jyldyń ishin­de memlekettiń qamqorlyǵyna bólenip kelemiz. Tipti, sımvol­dyq túrde alǵanda bizdi Elbasy Nursultan Nazarbaevtyń ózi tikeleı qanatynyń astyna aldy desek artyq aıtqandyq bolmaıdy. Sonyń arqasynda elimizdegi bıznes ókilderi óz óndiristerin quryp, básekege tótep bere alatyndaı taýarlar óndirý úshin úlken múmkindikter aldy. Memlekettik organdar tarapynan kásipkerlik nysandardy tekserýge shekteýler qoıyp, birneshe ret oǵan moratorııler jarııalanýy da bizge jasalǵan memlekettik qamqorlyq, Elbasynyń tikeleı qoldaýy dep túsinýimiz kerek. Bul jóninde óziniń Qazaqstan halqyna arnaǵan Úndeýinde N.Á.Nazarbaev otandyq óndirýshilerge qoldaý kórsetip, bıznes úshin qolaıly jaǵdaılar jasadyq degen eken. Ashyǵy da, aqıqaty da osy. Buǵan biz – otandyq bıznes ókilderi rızashylyqpen qol qoıa alamyz. Almaqtyń da salmaǵy bar degendeı endigi kezekte bizge, ıaǵnı el kásipkerleri men bıznesmenderine osy qamqorlyq pen qoldaýǵa ispen jaýap beretin kez keldi dep esepteımin. О́ıtkeni, elimiz Dúnıe­júzilik saýda uıymyna múshe bolyp kirgen jaǵdaıda Memleket basshysy atap kórsetkendeı báseke odan ári kúsheıedi. Meniń oıymsha, buǵan tótep berýdiń bir ǵana joly bar. Bul – sapasy joǵary, baǵasy ıkemdi qazaqstandyq taýarlar óndirýge qol jetkize bilý. Shyntýaıtyna kelgende, bul – qoldan keletin is. Tek básekege saı bolý úshin bizge erik-jiger tutastyǵy, irgeli izdenister, bıik mindetter men joǵary talaptar údesinen shyǵýǵa septigi tıetindeı maqsatkerlik qasıetter qajet. Munyń syrtynda óndiris tehnologııasyn udaıy jetildirý, básekege tótep bere alatyn taýarlar óndirýge qajetti qondyrǵylar men qural-jabdyqtar kesheni degen másele bar. Respýblıkada Memle­ket basshysynyń qoldaýymen jasal­ǵan kóptegen baǵdarlamalar jáne onda kórsetilgen nesıelik jeńildik­ter bul máseleniń sheshimi taby­lyp jatqanyn kórsetedi. Otandyq óndirisshilerdiń qamqorshysy Nursultan Ábish­uly Úndeýinde DSU beretin artyqshylyqtardy paıdalana biletinimizdi dáleldeý qajet ekenin aıta kelip, bul Qazaqstannyń qolynan keledi dep túıin jasady. Naǵyz ornyqty da senimdi túıin osyndaı-aq bolar. Keńes Absatırov, Batys Qazaqstan oblysy kásipkerler palatasynyń dırektory. ORAL.