Rımdegi basymdyq: Rybakına WTA 1000 týrnıriniń shırek fınalyna shyqty

20 ret

kórsetildi

1 mın

oqý úshin

Qazaqstannyń birinshi, álemniń ekinshi raketkasy Elena Rybakına Rımde ótip jatqan bedeldi WTA 1000 týrnırinde qarsylas shaq keltirmeı jatyr. Ol 1/8 fınalda chehııalyq Karolına Plıshkovany esh qıyndyqsyz jeńdi, dep habarlaıdy Egemen.kz.

Egemen Qazaqstan

Rımdegi basymdyq: Rybakına WTA 1000 týrnıriniń shırek fınalyna shyqty

Foto: Ashyq derekkóz

Tórtinshi aınalymda otandasymyz álemniń ekinshi raketkasy chehııalyq Karolına Plıshkovamen kezdesip, eki aınalymda da qarsylasyn aıqyn basymdyqpen jeńdi. Alǵashqy sette qazaqstandyq tennısshi qarsylasyna múkindik bermeı 6:0 esebin tirkedi. Ekinshi set 6:2 esebimen aıaqtaldy.

Elena Rybakına WTA 1000 týrnırindegi alǵashqy matchty sátti bastady

Endi shırek fınalda Rybakına ýkraınalyq Elına Svıtolınamen kezdesedi. WTA reıtınginde Svıtolına 10-orynda tur. Match 13 mamyr kúni Astana ýaqytymen saǵat 16:00-de ótedi.

Eki tennısshiniń buǵan deıingi ózara kezdesýlerindegi jalpy esep Rybakınanyń paıdasyna – 4:3 bolyp aıaqtalǵan.

Rybakına WTA 1000 týrnırinde Plıshkovamen kezdesedi

Aıta keteıik, Elena Rybakına 2023 jyly osy Rım týrnıriniń chempıony atanǵan bolatyn. Bıyl atalǵan týrnırdiń jalpy júlde qory – 7 228 080 eýrony quraıdy. Jekeleı syndaǵy jeńimpaz 1 055 285 eýro kóleminde syıaqy alyp, reıtıngilik 1000 upaıǵa ıe bolady.

Nurbolat AMANBEK