Nepal memleketi zilzaladan qurban bolǵandardy eske aldy

ASTANA. 27 maýsym. Nepalda 8 myńnan astam adamnyń ómirin jalmaǵan joıqyn zilzalanyń basylǵanyna 2 aı boldy. Jer silkinisinen qurban bolǵandardy eske alý sharasyna jınalǵandar kókke áýe sharlaryn ushyrdy. Bul týraly 24.kz habarlady. Zilzaladan zardap shekenderdi eske alý sharasyna myńdaǵan turǵyn kóshege shyǵyp, áýe sharlaryn ushyrdy. Nepal turǵyny Shılý Adhıkerı: «Ár qaza tapqan marqumǵa arnap áýe sharyn samǵattyq. Biz bul sharany qurbandardyń rýhyn eske alý úshin ótkizip otyrmyz. Osy sharlardy ushyrý arqyly 8,5 myń marqumnyń jany jaı tabady dep oılaımyz», – dedi. Esterińizde bolsa, Nepalda 25 sáýir men 12 mamyr aralyǵynda bolǵan jer silkinisterinen 8832 adam kóz jumyp, 22 myńnan astamy jaraqat alǵan bolatyn. Al on myńdaı otbasy úı-kúısiz qaldy. Aıta keteıik, búginde jergilikti bılik ókilderi 4,5 mıllıard dollar kóleminde sadaqa jınady. Endi osy aqshany taratyp berý nemese maqsatty jumsaý úlken problemaǵa aınalýda. Sebebi Nepalda jemqorlyq ýshyǵyp, sheteldikterden jınalǵan qarajatty qara basynyń qamy úshin paıdalaný kóbeıgen. Soǵan qaramastan jergilikti bılik qarjyny jańa qurylǵan memlekettik organ men úılestirý ortalyqtary arqyly teń bólip úlestirýge ýáde berip otyr. Talǵat Raıymbek. Derek, sýret: 24.kz.