Qazaqstan Respýblıkasy Ulttyq Banki Basqarmasynyń qaýlysy  №17

2015 jylǵy 17 aqpan, Almaty qalasy Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasy Ulttyq Bankiniń qyzmetshilerin laýazymǵa taǵaıyndaý jáne olarmen eńbek shartyn toqtatý qaǵıdalaryn bekitý týraly» 2012 jylǵy 24 tamyzdaǵy № 261 qaýlysyna ózgerister men tolyqtyrý engizý týraly «Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń Zańyna sáıkes Qazaqstan Respýblıkasy Ulttyq Bankiniń Basqarmasy qaýly etedi: 1. Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasy Ulttyq Bankiniń qyzmetshilerin laýazymǵa taǵaıyndaý jáne olarmen eńbek shartyn toqtatý qaǵıdalaryn bekitý týraly» 2012 jylǵy 24 tamyzdaǵy № 261 qaýlysyna (Normatıvtik quqyqtyq aktilerdi memlekettik tirkeý tiziliminde № 7996 tirkelgen, 2012 jylǵy 6 jeltoqsanda «Egemen Qazaqstan» gazetinde № 802-806 (27877) jarııalanǵan) mynadaı ózgerister men tolyqtyrý engizilsin: kórsetilgen qaýlymen bekitilgen Qazaqstan Respýblıkasy Ulttyq Bankiniń qyzmetshilerin laýazymǵa taǵaıyndaý jáne olarmen eńbek shartyn toqtatý qaǵıdalarynda: 3-tarmaq mynadaı redaksııada jazylsyn: «3. Qaǵıdalarda mynadaı uǵymdar paıdalanylady: 1) Agenttik – Qazaqstan Respýblıkasynyń Qarjy naryǵyn jáne qarjy uıymdaryn retteý men qadaǵalaý agenttigi («Qazaqstan Respýblıkasynyń qarjy naryǵyn memlekettik retteý júıesin ári qaraı jetildirý týraly» Qazaqstan Respýblıkasy Prezıdentiniń 2011 jylǵy 12 sáýirdegi № 25 Jarlyǵymen taratyldy); 2) vedomstvolar – Qazaqstan Respýblıkasy Ulttyq Bankiniń Almaty qalasyndaǵy óńirlik qarjy ortalyǵyn damytý komıteti («Qazaqstan Respýblıkasy Ulttyq Bankiniń keıbir máseleleri týraly» Qazaqstan Respýblıkasy Prezıdentiniń 2012 jylǵy 29 jeltoqsandaǵy № 458 Jarlyǵymen taratyldy), Qazaqstan Respýblıkasy Ulttyq Bankiniń Qarjy naryǵyn jáne qarjy uıymdaryn baqylaý men qadaǵalaý komıteti («Qazaqstan Respýblıkasy Ulttyq Bankiniń keıbir máseleleri týraly» Qazaqstan Respýblıkasy Prezıdentiniń 2014 jylǵy 30 qańtardaǵy № 744 Jarlyǵymen taratyldy), Qazaqstan Respýblıkasy Ulttyq Bankiniń Qarjylyq qyzmetterdi tutynýshylardyń quqyqtaryn qorǵaý komıteti («Qazaqstan Respýblıkasy Ulttyq Bankiniń keıbir máseleleri týraly» Qazaqstan Respýblıkasy Prezıdentiniń 2014 jylǵy 30 qańtardaǵy № 744 Jarlyǵymen taratyldy); 3) kadr qyzmeti – Ulttyq Banktiń kadrmen qamtamasyz etý bólimshesi (fılıaldarda – qyzmetkerlermen jumys júrgizý jónindegi maman); 4) kadr rezervi – konkýrstan oıdaǵydaı ótken jáne Ulttyq Banktiń kadr rezervine esepteý úshin konkýrstyq komıssııa usynǵan adamdardyń tizimi; 5) konkýrs – Ulttyq Bank qyzmetshisiniń bos laýazymyna ornalasý úshin júrgiziletin rásimder; 6) konkýrsqa qatysýshylar – konkýrs týraly habarlandyrý jarııalanǵannan keıin Ulttyq Bankke qujattaryn tapsyrǵan adamdar; 7) konkýrstyq komıssııa – Ulttyq Banktiń alqaly organy, ol konkýrsqa qatysýshylar tapsyrǵan qujattardy qaraıdy, kandıdattarmen áńgimelesý júrgizedi jáne Ulttyq Bank qyzmetshisiniń bos laýazymyna ornalasýǵa kandıdattardy túpkilikti irikteýdi júzege asyrady; 8) qujattar – konkýrsqa qatysýǵa nıet bildirgen adamdardyń kadr qyzmetine usynatyn qujattary; 9) múddeli bólimshe – Ulttyq Bank qyzmetshisiniń bos laýazymy bar bólimshe; 10) talaptar – Ulttyq Bank qyzmetshisiniń laýazymyna ornalasýǵa úmitker adamdarǵa olardyń kásibı daıyndyq deńgeıin, quzyrettiligin jáne Ulttyq Bank qyzmetshisiniń bos laýazymyna sáıkestigin aıqyndaý maqsatynda Qaǵıdalardyń 1-qosymshasyna sáıkes talaptar; 11) Ulttyq Bank – Ulttyq Banktiń ortalyq apparaty, fılıaldary jáne ókildigi; 12) Ulttyq Banktiń qyzmetkerleri – saıası memlekettik qyzmetshilerdi qospaǵanda, Ulttyq Bankte qyzmet atqaryp júrgen, eńbekaqysy Ulttyq Bank bıýdjetiniń (shyǵystar smetasynyń) qarajaty esebinen tólenetin adamdar; 13) Ulttyq Banktiń qyzmetshileri – memlekettik qyzmetshiler bolyp tabylmaıtyn, Ulttyq Bankte Ulttyq Banktiń mindetteri men fýnksııalaryn iske asyrýǵa baǵyttalǵan laýazymdyq ókilettikterdi júzege asyratyn adamdar; 14) Ulttyq Bank qyzmetshisiniń bos laýazymyna ornalasýǵa kandıdattar (budan ári – kandıdattar) – konkýrstyq komıssııanyń sheshimi negizinde synaqqa jáne áńgimelesýge jiberilgen konkýrsqa qatysýshylar; 15) fılıaldar – Ulttyq Banktiń fılıaldary.»; 7-tarmaq mynadaı redaksııada jazylsyn: «7. Ulttyq Bank qyzmetshisiniń laýazymyna konkýrstan tys mynalar ornalasady: 1) Ulttyq Bank qyzmetshisiniń bos laýazymyna aýysý arqyly talaptarǵa sáıkes keletin Ulttyq Bank qyzmetkerleri; 2) kadr rezervinde turǵan adamdar; 3) joǵary biliktilik deńgeıi jáne kásibı daıyndyǵy bar adamdar: shet tilin biletin (IELTS halyqaralyq sertıfıkatynyń bolýy – 6.5 tómen emes, TOEFL IBT – 120-dan 80, TCF 699-dan 400 (V2), SILS 1, HSK 11-den 6-deńgeı); jáne (nemese) ǵylymı dárejesi bar; jáne (nemese) sheteldik joǵary oqý oryndarynda oqýdy aıaqtaǵan; jáne (nemese) halyqaralyq býhgalterlik nemese qarjylyq sertıfıkattary bar; jáne (nemese) ulttyq basqarýshy holdıngte, ulttyq basqarýshy holdıngtiń enshiles uıymdarynda, damý ınstıtýttarynda Ulttyq Bank qyzmetshisiniń bos laýazymynyń fýnksıonaldyq baǵyttaryna sáıkes keletin salalarda keminde eki jyl jumys tájirıbesi bar; jáne (nemese) memlekettik organdarda basshy laýazymdarda keminde bir jyl jumys tájirıbesi bar; 4) Ulttyq Bankte jáne onyń vedomstvolarynda nemese Agenttikte keminde eki jyl jumys tájirıbesi bar Ulttyq Banktiń jáne onyń vedomstvolarynyń nemese Agenttiktiń burynǵy qyzmetkerleri (eńbek sharty teris jaǵdaılar boıynsha buzylǵan adamdardy qospaǵanda); 5) Ulttyq Bank Magıstratýrasynyń túlekteri, dıplomdy alǵan kúnnen bastap jarty jyl ishinde.»; 9-tarmaqtyń 3) jáne 4) tarmaqshalary mynadaı redaksııada jazylsyn: «3) konkýrsqa qatysýshylardyń qujattaryn qabyldaý jáne talaptarǵa sáıkestigin qaraý; 4) kandıdattardy synaqtan ótkizý;»; 16-tarmaqta: 2) tarmaqsha mynadaı redaksııada jazylsyn: «2) Qaǵıdalardyń 2-qosymshasyna sáıkes nysan boıynsha ótinish. Konkýrsqa qatysýshy Ulttyq Bank qyzmetshisiniń úshten aspaıtyn bos laýazymyna ótinish berýge quqyly;»; 5) tarmaqsha mynadaı redaksııada jazylsyn: «5) notarıat kýálandyrǵan nemese jumys orny boıynsha kadr qyzmeti rastaǵan, eńbek qyzmetin rastaıtyn qujattyń kóshirmesi;»; 20, 21, 22, 23 jáne 24-tarmaqtar mynadaı redaksııada jazylsyn: «20. Konkýrsqa qatysýshylardyń qujattaryn konkýrstyq komıssııa qujattardy qabyldaý aıaqtalǵannan keıin 5 (bes) jumys kúni ishinde qaraıdy. 21. Konkýrstyq komıssııa konkýrsqa qatysýshylardy synaqqa jiberý týraly sheshimdi konkýrsqa qatysýshylardyń qujattaryn qaraý aıaqtalǵan kúnnen bastap 5 (bes) jumys kúni ishinde qabyldaıdy, ol konkýrstyq komıssııa tóraǵasy, músheleri jáne hatshysy qol qoıatyn hattama túrinde resimdeledi. Synaqqa jiberilgen kandıdattardyń tizimderi Ulttyq Banktiń aqparattyq stendinde kópshilikke kórinetindeı qoljetimdi jerde ornalastyrylady. 22. Synaqtyń maqsaty kandıdattardyń Qazaqstan Respýblıkasynyń zańnamasyn, Qazaqstan Respýblıkasynyń naqty laýazymnyń mamandyǵyna sáıkes keletin salalardaǵy qatynastardy retteıtin normatıvtik quqyqtyq aktilerin bilýin baǵalaý bolyp tabylady. Kandıdattar synaqqa jiberý týraly sheshim qabyldanǵan kúnnen bastap 5 (bes) jumys kúni ishinde synaqtan ótedi. 23. Synaqtan ótken kezde shekti mánderge teń nemese odan joǵary baǵa alǵan kandıdattar áńgimelesýge jiberiledi. 24. Kandıdattardy áńgimelesýge jiberý týraly sheshim hattama túrinde resimdeledi jáne oǵan konkýrstyq komıssııa tóraǵasy, músheleri jáne hatshysy qol qoıady. Áńgimelesýge jiberilgen kandıdattardyń tizimderi Ulttyq Banktiń aqparattyq stendinde kópshilikke kórinetindeı qoljetimdi jerde ornalastyrylady.»; 26-tarmaq mynadaı redaksııada jazylsyn: «26. Áńgimelesýge jiberilgen kandıdattar odan synaq aıaqtalǵan kúnnen bastap 10 (on) jumys kúni ishinde ótedi. Kandıdattarǵa áńgimelesý ýaqyty, kúni jáne ótkiziletin orny týraly kadr qyzmeti elektrondyq pochta jáne (nemese) telefon baılanysynyń quraldary arqyly habarlaıdy.»; 31-tarmaq mynadaı redaksııada jazylsyn: «31. Konkýrstyq komıssııa qorytyndy otyrysynda kandıdattardy usynylǵan qujattar, synaq, áńgimelesý nátıjeleri negizinde baǵalaıdy jáne olardyń arasynan Ulttyq Bank qyzmetshisiniń bos laýazymyna ornalasý úshin irikteýdi júzege asyrady.»; 39, 40, 41, 42 jáne 43-tarmaqtar alynyp tastalsyn; mynadaı mazmundaǵy 3-1-taraýmen tolyqtyrylsyn: «3-1. Kadr rezervin qalyptastyrý 38-1. Konkýrstyq komıssııa sheshiminiń negizinde áńgimelesýden sátti ótken kandıdattar (árbir bos laýazym úshin bir kandıdattan kóp emes) kadr rezervine esepteledi. 38-2. Kadr rezervine eseptelgen kandıdattardyń tizimderi konkýrstyq komıssııanyń qorytyndy otyrysynyń hattamasynda kórsetiledi. 38-3. Kadr rezervine eseptelgen kandıdattar konkýrstyq rásimderden qaıtadan ótpesten bir jyl ishinde mańyzy birdeı nemese odan tómen laýazymǵa taǵaıyndala alady. 38-4. Kandıdattardy kadr rezervinen shyǵarý mynadaı jaǵdaılarda: 1) kadr rezervine eseptelgen kandıdat kadr rezervinen shyǵarý týraly ótinish bergen jaǵdaıda; 2) kadr rezervine eseptelgen kandıdat Ulttyq Bank qyzmetshisiniń bos laýazymyna ornalasqan jaǵdaıda; 3) Qaǵıdalardyń 38-3-tarmaǵynda kórsetilgen merzim aıaqtalǵan jaǵdaıda júzege asyrylady. 38-5. Ulttyq Banktiń kadr rezervin qalyptastyrý jáne odan shyǵarý jumysy kadr qyzmetine júkteledi.». 2. Kadrmen qamtamasyz etý departamenti (Jantaeva A.J.) zańnamada belgilengen tártippen: 1) Quqyqtyq qamtamasyz etý departamentimen (Dosmuhambetov N.M.) birlesip osy qaýlyny Qazaqstan Respýblıkasy Ádilet mınıstrliginde memlekettik tirkeýdi; 2) osy qaýlyny Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy qaýly resmı jarııalanǵannan keıin ony Qazaqstan Respýblıkasy Ulttyq Bankiniń ınternet-resýrsyna ornalastyrýdy qamtamasyz etsin. 3. Halyqaralyq qatynastar jáne jurtshylyqpen baılanys departamenti (Qazybaev A.Q.) osy qaýlyny Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde buqaralyq aqparat quraldarynda resmı jarııalaýǵa jiberýdi qamtamasyz etsin. 4. Osy qaýlynyń oryndalýyn baqylaý Qazaqstan Respýblıkasynyń Ulttyq Banki Tóraǵasynyń orynbasary N.J. Qusaıynovqa júktelsin. 5. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Ulttyq Bank Tóraǵasy Q.KELIMBETOV. Qaýly Qazaqstan Respýblıkasynyń Ádilet mınıstrliginde 2015 jylǵy 16 naýryzda Normatıvtik quqyqtyq kesimderdi memlekettik tirkeýdiń tizilimine №10437 bolyp engizildi.