ASTANA. 28 maýsym. Gangnam Style hıtimen búkil álemge tanymal bolǵan Ońtústik Koreıa ánshisi PSY Qazaqstanda alǵashqy konsertin berdi. Bul týraly tengrinews.kz habarlady.
Almatyǵa keshe, 27 maýsymda kelgen ánshi sol kúni keshte Balýan Sholaq atyndaǵy sport saraıynda sahnaǵa shyqty. Konsertte sonymen qatar, Reseıden kelgen qonaq – Dıma Bılan, qazaqstandyq ánshi Búrkit pen basqa da juldyzdar óner kórsetti. Keshke Olımpıada chempıony Ilıa Ilın de qatysty. Instagram áleýmettik jelisindegi jeke paraqshasynda aýyr atlet PSY-ǵa qazaqsha shapan kıgizip jatqan beınejazbasyn da jarııalaǵan. Dál osy jerde Ilıa Ilınniń ońtústikkoreıalyq ánshimen túsken selfıi de bar.
Esterińizge sala keteıik, PSY – Oútústik Koreıadaǵy eń belgili ánshi bolyp sanalady. Sahna juldyzynyń Gangnam Style atty beınebaıany YouTube-tegi eń kóp qaralǵan jazbaǵa aınaldy. Búgingi kúnge deıin bul beınebaıandy eki mıllıardtan astam halyq tamashalaǵan.
Elaman Qońyr.
Derek, sýret: tengrinews.kz.
