Úndistanda sý tasqynynan 80-ge jýyq adam qaza boldy

ASTANA. 28 maýsym. Úndistannyń Gýdjarat shtatynda tolassyz jaýǵan jańbyr sońy selge ulasyp, qatty tasqyn saldarynan 80-ge jýyq adam qaza boldy. Bul týraly 24today.net habarlady. Tabıǵı apat qurbandarynyń deni laı kóshkini men úılerdiń qulaýy kezinde kóz jumǵan. Qutqarýshylar apat aımaǵynan 9 myńǵa jýyq halyqty qaýipsiz jerge kóshirdi. Aıta keteıik, jaqynda ǵana bul el aptap ystyqty bastynan ótkergen edi. Eń joǵary aýa temperatýrasy bir aı boıy saqtalyp turdy. Sonyń saldarynan ystyqqa shydamaı 2 400 adam qaza boldy. Kún ótip, aptap ystyqtan zardap shekkender sanynyń tym kóptigine baılanysty jergilikti aýrýhanalarda joǵary daıyndyq rejimi jarııalanǵan bolatyn. Qaza bolǵandardyń basym bóligi – jasy 50-den asqandar. Olarǵa aptap ystyqtan qyzmet túrine baılanysty kóshedegi jumystaryn toqtatýǵa týra kelgen. Elaman Qońyr. Derek, sýret: 24today.net.