«Atyraý» fýtbol klýbynyń eks-basshysy 7 jylǵa sottaldy

ASTANA. 28 maýsym. Atyraý qalalyq №2 soty «Atyraý» fýtbol komandasynyń burynǵy dırektory Arman Úmbetálıevke qatysty úkim shyǵardy. Bul týraly KazTAG habarlady. Sot Úmbetálıevti Qazaqstan Respýblıkasy Qylmystyq kodeksiniń 176-baby boıynsha («Senip tapsyrylǵan ózgeniń múlkin ıemdený») kináli dep tanyp, 7 jylǵa bas bostandyǵynn aıyrdy. Sottalýshy jazasyn jalpy rejimdegi kolonııada óteıtin bolady. Sondaı-aq, sot sheshimimen ol materıaldyq jaýapkershilikke qatysty laýazymdy qyzmetten 4 jylǵa alastatyldy. Odan bólek, jeke ózine tıesili múlikteri tárkilendi. Jaza merzimi osy jyldyń 26 maýsymynan bastap taǵaıyndaldy. Sottalýshynyń 15 kúnniń ishinde qaıta shaǵymdanýǵa quqy bar. Sonymen qatar, sot Úmbetálıevten memleketke keltirgen shyǵyny úshin 25 mln. 617 myń 526 teńge óndirip alý jáne onyń 768 myń 526 teńge kóleminde memlekettik baj tóleý týraly sheshim shyǵardy. Aıta keteıik, Arman Úmbetálıev «Atyraý» fýtbol komandasyn 2011-2013 jyldary basqardy. Aqparat quraldaryndaǵy derekterge súıensek, ol klýbqa oblystyq bıýdjetten bólingen mıllıondaǵan teńgeni jymqyrdy dep aıyptaldy. Elaman Qońyr. Derek: KazTAG. Sýret: akm.sud.kz.