Foto: Beınejazbadan
Ataqty fýtbolshylardyń jeıdeleri usynylǵan ınstallıasııa Vengrııa astanasynyń ortalyǵyndaǵy áıgili Batyrlar alańynda ornalasqan.
Bul týraly Qazaqstan ulttyq quramasynyń baspasóz hatshysy Álimjan Asqar áleýmettik jelide bólisti. Onyń aıtýynsha, kórmede Davıd Lýıs, Ivan Perıshıch, Kevın de Brıýıne sekildi tanymal fýtbolshylardyń jeıdelerimen qatar Dastan Satpaevtyń da qoltańbasy qoıylǵan jeıdesi qoıylǵan.
Ulttyq qurama shabýylshysy Dastan Sátpaev mekteppen qoshtasty
Aıta keteıik, 17 jastaǵy ulttyq qurama shabýylshysy 2025-2026 jylǵy eýrokýbok maýsymynda tarıhı jetistikke qol jetkizdi. Ol 2025 jyldyń qarashasynda danııalyq «Kopengagen» qaqpasyna gol soǵyp, Chempıondar lıgasynyń negizgi kezeńinde top jarǵan alǵashqy qazaq fýtbolshysy atandy.
Sonymen qatar Satpaev týrnır tarıhyndaǵy eń jas gol avtorlarynyń qataryna endi. Jas kórsetkishi boıynsha ol tek «Barselona» oıynshylary Ansý Fatı men Lamın Iаmalǵa jol beredi.
Eske sala keteıik, bıylǵy Chempıondar lıgasynyń fınalynda fransııalyq PSJ men londondyq «Arsenal» komandalary kezdesedi. Sheshýshi match 30 mamyr kúni dál osy Býdapeshttegi «Pýshkash Arena» stadıonynda ótedi.
