Instagram áleýmettik jelisi jańa qyzmet túrlerin usyndy

ASTANA. 29 maýsym. Instagram jelisi qyzmet túrleriniń qataryn tolyqtyrdy. Endi áleýmettik jelini qoldanýshylar geografııalyq jaǵdaı jáne mańyzdy aqparattar aǵyny boıynsha ózine qajetti dúnıeni izdep taba alady. Bul týraly instagram-nyń resmı blogyndaǵy jazbaǵa súıengen lenta.ru habarlady. Jańa qyzmet jeliniń jańarǵan instagram 7.0 nusqasynda Places Search tetigi arqyly jumys isteıdi. Qosymsha ádettegideı iOS jáne Android operasııalyq júıelerine arnalǵan. Odan bólek, qoldanýshylar Explore paraǵy arqyly sýretterdiń jıyntyǵyn kóre alady. «Biz alǵashqy kezden-aq osyndaı qyzmet túrin josparlaǵan edik. Bul qyzmet álemniń ár túkpirinde bolyp jatqan oqıǵalardan habar berip turady», – deıdi instagram jelisin qurýshylardyń biri Kevın Sıstrom. Mamandardyń pikiri boıynsha, atalǵan jeli mundaı qadamdarǵa twitter-di basyp ozý úshin barýda. Ázirge joǵaryda aıtylǵan qyzmet tek AQSh-ta ǵana qol jetimdi. Jýyrda Eýropa jáne búkil álem qamtylatyn bolady. Aıta keteıik, qazirgi tańda álem boıynsha instagram-da táýligine 70 mln. foto jáne vıdeomaterıaldar jarııalanady. Elaman Qońyr. Derek: lenta.ru. Sýret: geek-nose.com.