Foto: Pixabay.com
DW basylymynyń habarlaýynsha, is boıynsha jalpy sany 10 adam aıyptalýshy retinde tanylǵan. Olardyń qatarynda 52 jastaǵy Davıd Sanchespen birge bıliktegi Ispanııa sosıalıstik jumysshy partııasynyń óńirlik ókilderi men jergilikti ákimdik qyzmetkerleri bar. Tergeý málimetine sáıkes, olar premer-mınıstrdiń baýyryn 2016 jyly qyzmetke ornalastyrýǵa kómektesip, keıin onyń jumysqa turaqty kelmeýine kóz juma qaraǵan.
Aıyptalýshylardyń barlyǵyna 3 jyldan 5 jylǵa deıin bas bostandyǵynan aıyrý jazasy tónip tur.
Tergeý dereginshe, jumyssyz júrgen Davıd Sanches Badahos qalasyndaǵy eki konservatorııaǵa kýrator bolyp taǵaıyndalyp, 8 jylǵa jýyq ýaqyt jumys istegen.
Alaıda osy kezeń ishinde Davıd Sanches turaqty túrde jalaqy alyp otyrǵanymen, kóbine Ispanııa aýmaǵynan tys jerde júrgen. Onyń advokattary aıyptalýshynyń shyǵarmashylyq adam ekenin aıtyp, jıi oryn aýystyrý oǵan qajet bolǵanyn alǵa tartty.
Ispanııa premer-mınıstri Palestına týymen shyqqan «Barselona» oıynshysyn qoldady
Sonymen qatar premer-mınıstrdiń jubaıy Begonıa Gomeske qatysty da qarjylyq zańbuzýshylyq boıynsha aıyp taǵylǵan. Ol Madrıd ýnıversıtetindegi kafedra jetekshisi qyzmetin atqarǵan kezde zań talaptaryn buzdy degen kúdikke ilingen. Tergeý málimetine sáıkes, onyń ǵylymı dárejesi de, joǵary bilimi de bolmaǵan. Bul is boıynsha sot tyńdaýy 9 maýsymda ótedi.
