Foto: Almaty oblysynyń ákimdigi
Onda qajetti qaýipsizdik sharalary tolyǵymen qamtamasyz etilgen. Sý túbi zerttelip, tazartyldy. Qorshaýlar men eskertý belgileri ornatylyp, qutqarýshylardyń kezekshiligi uıymdastyryldy. Qaýipsizdik jáne sanıtarlyq talaptar saqtalǵan jaǵajaılarda ǵana shomylýǵa ruqsat etiledi.
Premer-mınıstr 1 maýsymǵa deıin barlyq jaǵajaılar men basseınderdi tekserýdi tapsyrdy
Búginde Qonaev qalasyndaǵy kommýnaldyq jaǵajaılardy damytýǵa erekshe kóńil bólingen. Máselen, №5 jaǵajaı ótken jyly tolyq abattandyrylyp, paıdalanýǵa berildi. Aýmaǵynda fýtbol, voleıbol jáne balalar oıyn alańdary, vorkaýt-aımaqtar, fýdkorttar, pırs, dýsh kabınalary, kıim aýystyratyn oryndar men avtoturaq qarastyrylǵan. Qaýipsizdikti qamtamasyz etý maqsatynda qutqarý beketteri, medısınalyq pýnkt, SOS batyrmalarymen jabdyqtalǵan beınebaqylaý júıesi jumys isteıdi. Al №6 jáne №7 kommýnaldyq jaǵajaılarda abattandyrý jumystary jalǵasyp jatyr.
Qapshaǵaı sý qoımasy jaǵalaýynda ornalasqan jekemenshik demalys aımaqtary men oıyn-saýyq keshenderi de turǵyndar men týrısterge qyzmet etedi.
Túrkistandaǵy 9 mlrd teńgege salynyp bitpegen jaǵajaıǵa taǵy 5 mln dollar bólinbek
Aıta keteıik, ruqsat etilmegen jerlerde, aǵysy qatty aımaqtarda, sondaı-aq shaǵyn kemelerge jaqyn mańda shomylýǵa qatań tyıym salynady. Sebebi bul azamattardyń ómiri men densaýlyǵyna qaýip tóndiredi. Qazirgi tańda Tótenshe jaǵdaılar departamenti múddeli memlekettik organdarmen birlesip, shomylý maýsymyna daıyndyq boıynsha keshendi jumystar júrgizip jatyr. Prokýratýra, polısııa jáne kólik ınspeksııasynyń qatysýymen, onyń ishinde ushqyshsyz ushý apparattaryn qoldana otyryp, júıeli túrde reıdter ótkizilip otyr.
Eske salaıyq, Úkimet basshysy TJM ákimdiktermen birlesip, sý aıdyndary, jaǵajaılar, basseınder men týrıstik aımaqtarǵa tekserý júrgizý qajet ekenin aıtqan bolatyn.
