Shyǵys Qazaqstandaǵy Buqtyrma sý qoımasynan 4 adamnyń máıiti tabyldy

ASTANA. 29 maýsym. Shyǵys Qazaqstan oblysyndaǵy Buqtyrma sý qoımasynan 4 adamnyń máıiti tabyldy. Bul týraly oblystyq tótenshe jaǵdaılar departamentiniń baspasóz qyzmetine silteme jasaǵan 24.kz habarlady. Oblystaǵy «Barok» demalys orny mańynda 1991 jyly týǵan Reseı azamaty sýǵa túsý kezinde batyp ketken. Máıitti Buqtyrma sýda qutqarý qyzmetiniń mamandary syrtqa alyp shyqqan. Sondaı-aq, qutqarýshylardyń kómegine atalǵan sý qoımasynyń Qaraqol aýyly mańyndaǵy bóliginde sýǵa ketken úsh adamnyń týǵan-týystary júgingen. Aıta keteıik, qaıyqqa mingen 3 adam aýdarylyp, batyp ketken. Aılaıda, dál sol ýaqytta batqan azamattardy sýdan qutqarý qyzmeti izdegenimen taba almady. Tek búgin tańerteń 3 adamnyń denesi sý betine qalqyp shyqqan. Máıitterdi kórgen jergilikti turǵyndar jaǵaǵa shyǵarǵan. Olar 1998, 2000 jáne 2006 jyly týǵan jasóspirimder ekeni anyqtaldy. Talǵat Raıymbek. Derek, sýret: 24.kz.