ASTANA. 29 maýsym. Ázerbaıjan astanasy – Baký qalasynda I jazǵy Eýropa oıyndary aıaqtaldy. Keshe 16 kúnge sozylǵan dúbirli dodanyń jabylý saltanaty ótti. Bul týraly 1news.az habarlady.
Saltanatty shara Bakýdegi Olımpııalyq stadıonda uıymdastyryldy. Oǵan 60 myńnan astam halyq jınaldy. Sondaı-aq, atalǵan rásimge Ázerbaıjan prezıdenti Ilham Álıev jáne birqatar meımandar qatysty.
Eýropa tarıhynda qurlyq oıyndary alǵash ret ótkizilip otyr. Bakýdegi alamanda 50 memleketten kelgen 5 730 sportshy 253 medaldar jıyntyǵyn sarapqa saldy. Sondaı-aq, olardyń sporttyń 20 túrinen synǵa túskenin aıta keteıik. Onyń ishinde 16 sport túri Olımpıada baǵdarlamasyna engizilgen.
Baıraqty básekeniń jalpy esebinde Reseı sportshylary top jardy. Soltústik kórshimizdiń qorjynynda 79 altyn, 40 kúmis jáne 45 qola medal bar. Al ekinshi orynǵa Ázerbaıjan sportshylary taban tiredi. Olar óz elinde ótken jarysta 21 altyn, 15 kúmis jáne 20 qola medal enshiledi. Úzdik úshtikti Ulybrıtanııa túıindedi (18-10-19).
I jazǵy Eýropa oıyndarynyń medaldar jıyntyǵy boıynsha beıresmı esebiniń úzdik ondyǵy
Elaman Qońyr.
Derek: 1news.kz.
Sýret: baku2015.com.
