Petropavlda oıyn-saýyq kesheni men kópqabatty turǵyn úı órtke orandy

PETROPAVL. 29 maýsym. M.Jumabaev pen K. Sútishev kósheleriniń qıylysynda dámhana, balalar ortalyǵy, saýda núkteleri ornalasqan eńseli oıyn-saýyq kesheni alapat órt qushaǵyna orandy.Bul týraly oblystyq tótenshe jaǵdaılar jónindegi deparamenttiń mamandary habarlady. Qyzyl jalyn 27 maýsym kúni saǵat 12-30-da bastalyp, 4 saǵatqa sozylǵan. Osy ýaqyt aralyǵynda 22 tehnıka men 70-ke jýyq adam jumyldyrylsa da, 3 qabatty ǵımarattty saqtaı almady, túgelge jýyq janyp ketti.  Kóterilgen jeldiń saldarynan «tilsiz jaý» kórshi 5 qabatty turǵyn úıge «aýyz salyp», nesıelik qarajatqa kúrdeli jóndeýden ótken shatyrdy jalmap tústi. Osynda turatyn 100-ge jýyq turǵyn qaýipsiz jerlerge shyǵarylyp, páterler gaz ballony, elektr quraldary sekildi jarylǵysh zattardan zalalsyzdandyryldy.   Basqa da sharalar jiti uıymdastyryldy. «Adam shyǵyny joq. О́rttiń shyǵý sebepteri anyqtalýda. Túrli joramal bolǵanymen, tekserý-amaldarynyń qorytyndysy boıynsha naqty sheshim alynady», deıdi baspasóz qyzmetiniń jetekshisi Evgenıı Jýravlev. О́mir Esqalı. Derek: Soltústik Qazaqstan oblystyq tótenshe jaǵdaılar jónindegi departamenti. Sýret: egemen.kz