PETROPAVL. 29 maýsym. Aqynnyń týǵan jeri – Carytomar aýylynda respýblıkanyń jalpy bilim beretin mektep, gımnazııa, lıseılerdiń 5-11-synyp oqýshylary arasynda Maǵjan oqýlary ótti. 3 atalym boıynsha 40 úmitker baq synady. Bul týraly oblystyq bilim basqarmasynyń mamandary habarlady.
Baıqaý bastalar aldynda aqıyq shaıyrdyń eskertkishine gúl shoqtary qoıylyp, murajaıyna tanymdyq ekskýrsııa jasaldy. «Maǵjan alleıasyna» aǵash kóshetteri otyrǵyzylyp, Turan» kınostýdııasy túsirgen «Maǵjan» fılmi tamashalandy.
«О́leń – meniń Sholpanym, Aıym, Kúnim» atty aqyn shyǵarmalaryn jatqa oqý atalymy boıynsha bas júldeni Qostanaı oblysynan kelgen Meıirimhanova Nursyıla (Qostanaı) jeńip aldy. Birinshi orynǵa Kadenova Eldana (OQO), ekinshi orynǵa Omarǵalıev Tımýrbek (Aqtóbe), Esetjanova Shynar (Mańǵystaý) ıe boldy.
«Tolqynmen tolqyn syrlasyp...» atty M. Jumabaevtyń shyǵarmashylyǵy boıynsha zertteý jáne shyǵarmashylyq jumystar atalymynda birinshi orynǵa Isataı Beıbarys pen Nýrvakılov Rınat (Astana qalasy) kóterildi. Ekinshi oryndy Aıdana (SQO) men Asqaruly Aıtýǵan (Atyraý) bólisti.
«Aqyn da bir bala ǵoı aıǵa umtylǵan» jas daryndar saıysynda M.Jumabaev aýdany ákiminiń arnaıy júldesi Elaman Tóleýtaıǵa (Pavlodar) buıyrdy. Birinshi orynǵa Qurmash Dáýlet (SQO) laıyq dep tanyldy.
О́mir Esqalı.
Derek, sýret: Soltústik Qazaqstan oblystyq bilim basqarmasy.
