Yntymaqtastyq kelisimine qol qoıyldy

Keshe Dýshanbe qalasynda elimizdiń Ádilet mınıstri B.Imashev ShYU-ǵa múshe memleketteri ádilet mınıstrleriniń úshinshi májilisine qatysty. Májilis Tájikstan Respýblıkasynyń Ádilet mınıstri R.Shohmýrodtyń basshylyǵymen ótti. Atalǵan sharaǵa Qytaı Halyq Respýblıkasynyń Ádilet mınıstri Ý.Aıın, Qyrǵyz Respýblıkasynyń Ádilet mınıstri J.Mambetalıeva, О́zbekstan Respýblıkasynyń Ádilet mınıstri M.Ikramov, Reseı Federasııasynyń Ádilet mınıstri A.Konovalov qatysty. Onyń jumysyna, sondaı-aq Shanhaı Yntymaqtastyq Uıymynyń Bas hatshysy D.Mezensev jáne Belarýs Respýblıkasynyń Ádilet mınıstri O.Slıjevskıı qatysyp otyrdy. Mınıstrler 9-10 shildede Ýfa qalasynda (Reseı Federasııasy) ShYU-ǵa múshe memleketter basshylary keńesi sammıtiniń sheńberinde qabyldanǵan ShYU-ǵa múshe memleketteriniń Ýfa deklarasııasyn, 2025 jylǵa deıin ShYU-nyń damý Strategııasyn eskere otyryp, basymdyqtardy belgiledi jáne kelisimderdi iske asyrýdyń odan keıingi jol­­­daryn talqylady. ShYU sheń­berinde yntymaqtastyq, norma shyǵarmashylyq, notarıaldyq jáne advokattyq qyzmet salasynda, sondaı-aq azamattyq jáne kommersııalyq ister boıyn­sha halyqaralyq sharttar sheńberinde basqa zańgerlik qyzmet, quqyqtyq kómek kórsetý máseleri talqylandy. Májilis qory­tyndysy boıynsha birlesken ótinishke jáne ShYU-ǵa múshe memleketterdiń ádilet mınıstr­likteri arasyndaǵy yntymaq­tas­tyq týraly kelisimge qol qoıyldy, dep habarlady Ádilet mınıstrliginiń baspasóz qyzmeti.