Sınoptıkterdiń boljaýynsha, eldiń soltústiginde kúndiz qatty jańbyr jaýady, soltústiginde, soltústik batysynda, shyǵysynda burshaq jaýady, shyǵysta daýyl soǵady. Respýblıkanyń barlyq aýmaǵynda jel kúsheıýi múmkin. Soltústik pen soltústik batysta túnde jáne tańerteń tuman bolady.
Kúndiz Shyǵys Qazaqstan, Qaraǵandy, Qyzylorda, Almaty, Jambyl, Atyraý, Jetisý, Ulytaý, Abaı oblystarynda, Aqtóbe oblysynyń ońtústiginde 35-40 gradýs qatty ystyq boljanǵan.
Al Mańǵystaý, Soltústik Qazaqstan jáne Aqmola oblystarynda jańbyr jaýady.
Eske salaıyq, buǵan deıin maýsym jáne tamyz aılary ádettegiden ystyq bolatyny týraly habarladyq. Bul eki aıda Qazaqstan aýmaǵynda aýa temperatýrasy klımattyq normadan 1-2 gradýsqa joǵary bolýy múmkin.
