Sán álemindegi sony bastama

Joba klassıkalyq mo­­bıl­di qosymsha emes. Telegram Mini App for­matynda ázirlengen. Son­dyq­­tan paıda­lanýshyǵa qosym­sha júktep, telefon jadysyn tolty­rý­dyń qajeti joq.

– Men kóp jyl boıy jeke konsýltasııa ótkizip, adamdardyń gar­derobyn taldadym. Sonda baı­­qaǵanym, kópshiliktiń shkafy kıim­­ge toly bolǵanymen, olar ne kıe­tinin bilmeı biraz áýre bolady. Másele kıimniń azdyǵynda emes, ony úılestire bilmeýde. Bir adamnyń stılin anyqtaýǵa bir­neshe saǵat ketedi. Al jeke konsýl­­tasııa barshaǵa birdeı qol­jetimdi emes. Sondyqtan bilim men tájirıbeni tehnologııa arqyly kóp adamǵa jetkizýdiń jolyn iz­deı bastadym. «SoulSis» ıdeıasy osylaı dúnıege keldi, – deıdi joba avtory.

Platformanyń jumysy qara­paıym. Paıdalanýshy óz kıimderi­niń sýretin júkteıdi. Jasandy ıntellekt qandaı kıim­derdiń bir-birimen úıleseti­nin kór­setedi, artyq zattardy anyq­taıdy jáne qandaı bazalyq kıim jetis­peıtinin usynady. Sóıtip, buryn­nan bar kıimderden birneshe jańa obraz qurastyrýǵa kómektesedi.

Jobadaǵy eń qyzyqty qural­dar­­­dyń biri – «ShopAssist» fýnk­sııasy. Mysaly, dúkennen unaǵan kıimniń sýretin túsirip júktese, júıe onyń qazirgi kıimderińizge qanshalyqty sáıkes keletinin paıyzben kórsetedi.

– Keıde adam emosııaǵa berilip asa qajet emes buıymdardy satyp alady. Biraq ol zat keıin esh­bir kıimmen úılespeı jatady. «ShopAssist» osyndaı artyq shy­ǵyn­nyń aldyn alýǵa kómek­te­se­di, – deıdi kásipker.

«SoulSis» platformasynda «Molly» atty vırtýaldy kómekshi de bar. Ol chat formatynda jumys isteıdi. Paıdalanýshy «Toıǵa ne kısem bolady?» nemese «Isker­lik kezdesýge qandaı obraz tań­daý kerek?» degen suraqtar qoıa alady. Jasandy ıntellekt paıdalaný­shynyń qoldanystaǵy kıimderin negizge ala otyryp jaýap beredi.

Joba avtorynyń aıtýynsha, «Molly» áli de úırený kezeńinde.

– Jasandy ıntellekt daıyn ónim emes. Ony turaqty túrde oqy­­typ otyrý qajet. Qazir «Molly» bes jasar bala sekildi. Kún saıyn jańa nárse úırenip keledi, – deıdi ol.

«SoulSis» jobasyn ázirleýge shamamen 40-50 myń dollar kóleminde ınvestısııa salynǵan. Platforma iske qosylǵan alǵash­qy aıdyń ózinde 350 aqyly qoldanýshy jınaǵan. Sonymen qatar Instagram men vebınarlar arqyly eki myńnan astam ótinim qabyldanǵan. Qazir júıe elimizden bólek, О́zbekstan, Qyrǵyzstan jáne Reseı qoldanýshylary arasynda da tarala bastaǵan.

– Bizdiń maqsatymyz – tek kıim usyný emes. Adamdardyń tutyný mádenıetin ózgertý. Ár adam óz garderobyn uqypty paıdalanyp, qajetsiz satyp alýlardy azaıtsa eken, – deıdi Móldir.

«SoulSis» jobasynyń artynda sán salasyndaǵy uzaq jyldyq tájirıbe jatyr. Joba jetekshisi buǵan deıin jeke stılıst retinde jumys istep, onlaın kýrstar uıym­dastyrǵan. Sonymen qatar kıim saýdasymen aınalysyp, bir­neshe qalada jumys istegen dúken­der jelisin damytýǵa atsalysqan.

Keıingi jyldary álemde sán ındýs­trııasy men tehnologııany ush­tastyratyn fashion-tech baǵyty qarqyndy damyp keledi. Sarap­shylar jasandy ıntellektiniń kómegimen jeke usynystar berý, tutynýshy talǵamyn boljaý jáne kıim tańdaý úderisin jeńildetý aldaǵy jyldary bul salanyń negiz­gi trendteriniń birine aınalatynyn aıtady. «SoulSis» komandasy da osy baǵytty negizge alǵan.

Kompanııa aldaǵy ýaqytta plat­formanyń múmkindikterin keńeı­týdi josparlap otyr. Máse­len, jazylym ıelerine arnal­ǵan arnaıy bólimde seriktes brend­ter­diń ónimderin tıimdi baǵamen satyp alý múmkindigi usynylmaq.