QOSTANAI. 15 mamyr. Qostanaı oblysynyń Taran aýdanynda Keńes Odaǵynyń Batyry Seıthan Temirbaevqa eskertkish ornatyldy. Bul týraly egemen.kz tilshisi habarlady.
Taran aýdanynyń týmasy Seıthan Temirbaev soǵys jyldary basqarǵan rota Donbasty, Odessany, Belarýs men Polshany azat etýge qatysty. Osyndaı qyrǵyn urystardan keıin Berlınge alǵash jetken rotanyń biri boldy. Berlın qalasyn alýda kórsetken erligi, qaısarlyǵy úshin 23 jastaǵy kapıtan Lenın ordenimen jáne Keńes Odaǵynyń Batyrynyń Altyn juldyzyn keýdesine taqqan bolatyn. Jeńistiń 70 jyldyǵy merekesine oraı jerlesteri batyrdyń eskertkishin ornatty. Bul keıingi jas urpaqtyń patrıottyq tárbıesine de qyzmet etetin bolady.
Batyrdyń músini aýdan kásipkerleri qurǵan «Pobeda» qorynyń qarjysyna turǵyzyldy.
Kásipkerlerdiń Qostanaı oblystyq ulttyq palatasy Taran aýdandyq fılıalynyń dırektory Natalıa Rýdneva: «Respýblıkalyq «Atameken» ulttyq palatasynyń «Urpaqtar alǵysy» jobasyn bizdiń aýdannyń kásipkerleri osylaı qoldady», dedi. Taran aýdanynda merekege oraı júrgizilgen jumys tek bul emes. Aýdandaǵy buryn ornatylǵan eskertkishter men obelıkilderdiń barlyǵy jóndeýden ótti jáne soǵys ardagerleriniń úıine osy qordyń esebinen jóndeý jumystary júrgizildi.
Názıra Járimbetova.
Derek, sýret: egemen.kz
