Únemnen utarymyz mol

Energııa únemdeý zańynyń basty tetigi memlekettik energetıkalyq tizilimniń qyzmet etýine baılanysty. 2016 jyldyń shildesine deıin 3000-nan astam kásiporyn energııa aýdıtinen ótýi qajet. Onyń qorytyndysy boıynsha osy kásiporyndardyń energııa únemdeý josparlary, jabdyqtardy, tehnıkalyq prosesterdi, ǵımarattardy jańǵyrtýǵa baǵyttalatyn bolady. Bul jóninde Prezıdent janyndaǵy Ortalyq kommýnıkasııalar qyzmetinde ótken baspasóz-máslıhatynda IDM Indýstrııalyq damý jáne ónerkásiptik qaýipsizdik komıtetiniń tóraǵasy Amanııaz Erjanov málimdedi. Memleket basshysy 11 aqpandaǵy Úkimettiń keńeıtilgen otyrysynda qazirgi ýaqytta elge jańa jaǵdaıǵa beıimdelý kerek bolatynyn, ol úshin ekonomıkalyq jáne zańnamalyq sıpattaǵy jedel sharalar qajet ekendigin atap aıtty. Energııa tıimdiligi saıasatyn iske asyrý qazirgi tańda ónerkásip, turǵyn úı-kommýnaldyq sharýashylyǵy jáne kólik sektoryn jańǵyrtýdyń basty quraldarynyń biri bolyp tabylady, degen komıtet tóraǵasy energııa únemdeý jáne energııa tıimdiligin arttyrýdyń tabysty saıasaty eldiń energetıkalyq jáne ekologııalyq qaýipsizdigin qamtamasyz etetindigine nazar aýdardy. Sondaı-aq, onyń aıtýynsha, energııa tıimdiligin arttyrýdy qamtamasyz etý jańa ınnovasııalyq tehnologııalar men sheshimderdi engizýdi yntalandyrady. Al ol óz kezeginde ǵylymnyń damýy men tehnologııalar transfertiniń ózara belsendi yqpaldasýyna jaǵdaı jasaıdy. Sonymen qatar, Amanııaz Qasymuly atap ótkendeı, Elbasy energııa únemdeý salasynda jalpy ishki ónimniń energııa syıymdylyǵyn 2015 jylǵa qaraı keminde 10 paıyzǵa jáne 2020 jylǵa qaraı keminde 25 paıyzǵa tómendetý mindetterin qoıǵandyǵyn tilge tıek etti. Bul turǵyda atalǵan tapsyrma boıynsha jumystar bastalyp ketkendigin aıta otyryp, Úkimet biraz júıeli sharalar qabyldap, energııa únemdeýdiń negizgi mehanızmderi jasalǵandyǵyn basa aıtty. Osylaısha, energııa únemdeý memlekettiń strategııalyq já­ne jańa ındýstrııalandyrý saıasa­tynyń mindetterine jatady, dedi A.Erjanov. Osyǵan baılanys­ty qazirgi tańda qoıylǵan maq­sattarǵa qol jetkizý úshin mańyzdy is-sharalar iske asyrylyp jatqandyǵyn jetkizgen komıtet tóraǵasy normatıvtik-quqyqtyq baza qurýda energııa únemdeý jáne energııa tıimdiligin arttyrý týraly zańnyń qabyldanýy energııa tıimdiligin arttyrý saıasatyn damytýda mańyzdy kezeń bolyp tabylatyndyǵyna toqtaldy. Onyń aıtýynsha, zań sheńberinde mańyzdy normatıvtik-quqyqtyq aktilermen normatıvtik-tehnıkalyq qujattar qabyldanýda. Sonyń ishinde kólik tehnologııalary, sondaı-aq, úıler, ǵımarattar men qurylys materıaldaryna energııa únemdeý boıynsha mindetter men talaptar qoıylǵan. Jáne memlekettik energııa únemdeý 2020 baǵdarlamasy aıasynda óńirlik jáne salalyq energııa únemdeý jos­parlary oryndalyp jatqandyǵyn naqtylaı otyryp, energııa únemdeý saıasatynyń basty mindetteriniń biri – ony laıyqty nasıhattaýda jáne kadrlardy daıyndaýda halyqpen tyǵyz jumys isteý bolyp tabylatyndyǵyn basa aıtty. Kelesi kezekte sóz alǵan TKSh men ulttyq qurylys palatasy basqarmasynyń tóraǵasy Tóleýtaı Raqymbekov Úkimet tarapynan energııa únemdeý 2020 baǵdarlamasy 2013 jyly tamyzda qabyldanǵannan keıin, sol jyldyń qarasha aıynda Investısııalar jáne damý mınıstrligimen palata arasynda memorandýmǵa qol qoıylǵanyn, memorandýmnyń bas­ty maqsaty energııa únemdeý jáne energııa tıimdiligin arttyrý baǵytyndaǵy memlekettik saıasatqa qoǵamdyq qoldaý kórsetý ekenin atap kórsetti. Onyń aıtýynsha, atalǵan memorandýmnyń oryndalý aıasynda biraz sharalar iske asyrylǵan. Qoǵam arasynda energııa únemdeý saıasatyn odan ári nasıhattaý maqsatynda 2015 jyly naýryz aıynan bastap «Energııa tıimdi Qazaqstan» respýblıkalyq aksııasy bastalatynyn habarlady. Elmıra MÁTIBAEVA, «Egemen Qazaqstan».