Aqtóbede fýtbol bıletteri ǵalamtor arqyly satyla bastady

AQTО́BE. 30 maýsym. Endi kez kelgen aqtóbelik, tipti qala qonaǵy Qobylandy batyr atyndaǵy ortalyq stadıonda ótetin teńbil dop dodasyna bıletterdi úıden shyqpaı-aq, ǵalamtor arqyly satyp ala alady. Bul týraly egemen.kz tilshisi habarlady. Internettiń osynaý ıgiligi 30 maýsym kúni iske qosyldy. Qobylandy batyr atyndaǵy ortalyq stadıonnyń dırektory Qajymuqan Demeýovtiń aıtýynsha, atalǵan elektrondyq júıeniń ózi bir jylǵa jýyq ýaqyt aralyǵynda jasalǵan. Jan-jaqty synaqtan ótken jańa jobaǵa sáıkes, endi ǵalamtor qoldanýshysy www.aktobe-stadion.kz saıtyna kirip, artynsha onda tirkelgennen keıin bıletti satyp ala alady. Ǵalamtor saıttarynda ár qoldanýshyǵa bir-bir bıletten satylady. Tıisinshe, onyń barlyq jeke málimetteri júıege túsip turady. Keıin alda-jalda álgi adam tártip buzsa, bolmasa múlde kelmeı qalsa, bári belgili bolyp otyrady. Stadıonnyń jankúıerler otyratyn bóligine de beınekamera qoıylady. Onlaın-satylymdy júrgizý úshin saıtqa tirkelý qajet. Ol úshin ár adam jylyna 200 teńge tóleýi tıis. Satybaldy Sáýirbaı. Derek, sýret: egemen.kz.