Atyraýda mas júrgizýshi polısııa kóligine soqtyǵysty

ATYRAÝ. 4 naýryz. Atyraýda 3 naýryzǵa qaraǵan tańǵy alakeýimde mas júrgizýshi jol-patrýldik qyzmeti ekıpajynyń toqtaý týraly buıryǵyna baǵynbaı, qashpaq bolǵanda polısııa kóligine soqtyǵysty. Bul týraly egemen.kz tilshisi habarlady. Oblystyq ishki ister departamentiniń baspasóz hatshysy Gúlnazıra Muhtarovanyń habarlaýynsha, sol ýaqytta «Batys» jol-patrýldik qyzmetiniń ekıpajy Atyraý qalasyndaǵy Azattyq dańǵyly men Atambaev kóshesiniń qıylysynda kezekshilikte turǵan. Polıseıler «Folksvagen» kóliginiń júrgizýshisiniń kenetten tejegishti basyp, qozǵalys baǵytyn kúrt ózgertkenin baıqaıdy. Kezekshi polıseıler dybys kúsheıtkishpen kólik júrgizýshisine toqtaýdy buıyrady. Biraq júrgizýshi polıseılerdiń bul talabyn oryndamaı, baǵdarshamnyń qyzyl belgisine qaramaı solǵa burylǵan. Sol kezde «Folksvagen» kóligi jol-patrýldik qyzmeti ekıpajynyń kóligine soqtyǵysqan. Osylaısha, polısııa qyzmetkerleriniń talabyna baǵynbaı, sonymen birge, polıseılerdiń qyzmettik kóligine zaqym keltirgen júrgizýshi qashyp ketýge árekettenedi. Alaıda, ol polıseıler qolyna tústi. Tekserý nátıjesinde «Folksvagen» júrgizýshisiniń masań kúıde kólik júrgizgen Atyraý qalasynyń 27 jasar turǵyny ekeni belgili boldy. Qazir onyń ústinen Ákimshilik quqyq buzýshylyq týraly Kodekstiń 608-baby («Kólik quralyn alkogoldik  masań kúıde basqarý») boıynsha hattama toltyryldy. Joldasbek Shópeǵul. Derek: egemen.kz. Sýret: news.nur.kz.