Elbasynyń tóraǵalyǵymen Qaýipsizdik Keńesiniń jedel keńesi ótti

ASTANA. 21 tamyz. Memleket basshysynyń tóraǵalyǵymen Qaýipsizdik Keńesiniń jedel keńesi ótti. Bul týraly egemen.kz tilshisi habarlady. Keńeske Qaýipsizdik keńesiniń turaqty músheleri men birqatar memlekettik organdardyń basshylary qatysty. Onda arnaýly organdardyń qyzmetin jetildirý, taldaý jáne boljaý jumystarynyń sapasyn arttyrý máseleleri qaraldy. Prezıdent syrtqy naryqtardaǵy úderisterdi muqııattylyqpen monıtorıngteý, ahýaldyń ózgerýin, yqtımal táýekelder men qaterlerdi baǵalaý, sondaı-aq oqıǵalardyń damýyn boljaý negizinde aldyn alý sharalaryn ázirleý qajettigin atap ótti. Elbasy memlekettik organdardyń áleýmettik-ekonomıkalyq damý, sondaı-aq bes ınstıtýsıonaldyq reformanyń jáne «Nurly jol» baǵdarlamasynyń strategııalyq mindetterin júzege asyrý jónindegi jumystary el ishindegi jáne álemdegi jaǵdaıdy jan-jaqty taldaýǵa negizdelýi tıis ekendigin aıtty. Keńes qorytyndysy boıynsha memlekettik organdarǵa naqty tapsyrmalar berildi. Aıdar О́risbaev. Derek, sýret: akorda.kz.