Baılanystardy tereńdetýge nazar aýdardy

Qazaqstannyń Qytaıdaǵy elshisi Shahrat Nuryshev Lıanıýngan qalasynyń (Szıansý ólkesi) meri Chjao Sıaoszıanmen kezdesti, dep habarlady SIM-niń baspasóz qyzmeti. Kezdesýde taraptar tranzıttik-kóliktik áleýetti damytý sala­syn­daǵy yntymaqtastyqtyń qazirgi ahýaly men bolashaǵyn, «Nurly Jol» Jańa Ekonomıkalyq Saıasatyn jáne Qytaı tarapynyń «Bir beldeý, bir jol» bas­tamasyn júzege asyrý máselelerin, sondaı-aq, Lıanıýngan teńiz portynyń mýltımodaldyq termınalynyń ári qaraı damýyn talqylady. Almaty men Lıanıýngan arasynda konteınerlik poıyzdar aptasyna bes ret qatynap, jyldyq júk aınalymy 100 myń konteınerge jetkeni atap ótildi. Bıyl­ǵy jyly konteınerlik tasymaldardy 250 myńǵa jetkizý josparlanǵan. Lıanıýngan porty Qytaıdyń ortalyq jáne batys bólikterimen baılanystyratyn teńizge eń yńǵaıly ári tez shyǵatyn ınfraqurylymynyń arqasynda, sondaı-aq, Qazaqstannyń Dúnıejúzilik saýda uıymyna kirýin nazarǵa ala otyryp, porttyń ót­kizý qabiletin arttyrý jáne Lıanıýngan qalasy Qazaqstan – Qytaı halyqaralyq logıstıka­lyq kompanııasynyń qyzmetin keńeıtý josparlanǵan. Taraptar memleket basshylary deńgeıinde qol jetkizilgen ýaǵda­lastyqtardy júzege asyrýǵa, ekijaqty ınvestısııalardyń kóle­min arttyrýǵa, sonymen birge, Almaty – Lıanıýngan baǵyty jáne Qazaqstan arqyly tranzıt boıynsha Ortalyq Azııa men Eýropanyń basqa memleketterine júretin konteınerlik poıyz­dardyń júk tasymalyn arttyrý jónindegi maqsattardy iske asyrý qajettiligine aıryqsha nazar aýdaryldy.  «Egemen-aqparat».