ASTANA. 18 mamyr. Qyzylorda qalasynda jas kásipkerlerdi biriktiretin klýb quryldy. Oǵan óńirdegi óndiris salasyn damytýǵa at salysyp júrgen eń jas kásipkerler múshe bolyp, alǵashqy bas qosý jıynyn ótkizdi. Sharǵa Qazaqstanǵa tanymal bıznes salasynyń basshylary qatysyp, kásipkerlik jaıynda ózekti máselelerdi talqylady. Bul týraly Qyzylorda oblysy kásipkerler palatasynyń baspasóz qyzmeti habarlady.
Sharaǵa arnaıy respýblıkaǵa belgili kásipker, «THS Gpoup» qurylys holdınginiń quryltaıshysy Qaırat Qudaıbergen jáne Qyzylordanyń belsendi bıznes ókilderi qatysty.
Bas qosýda atalǵan aımaqtyń ekonomıkasyn qarqyndy damytý máselesi alda turǵany, ol úshin kásipkerler birigip jumys júrgizý kerekti aıtyldy.
Qyzylorda oblysynyń kásipkerler palatasynyń dırektory Rýslan Dosmahanov: «Oblys halqynyń úshten bir bóligin jastar quraıdy. Aımaqta jas kásipkerlerdi qoldaý, memleket tarapynan qarjylaı kómek kórsetý, shaǵyn jáne orta bıznesti damytý sekildi jumystar qarqyndy atqarylýda. Biz osy klýb arqyly kásip ashyp, óńirdiń ekonomıkasyn damytýǵa úles qosamyn degen azamattarǵa árqashanda qol ushyn sozamyz»–dedi. Al «THS Gpoup» qurylys holdınginiń quryltaıshysy Qaırat Qudaıbergen qyzylordalyq jas kásipkerlerge bıznes salasynyń qyr-syryn aıtyp, klýbtyń jumysyna sáttilik tiledi.
Aıta keteıik, qurylǵan jas kásipkerler klýbynyń tóraǵasy bolyp Rýslan Dosmahanov taǵaıyndaldy.
Talǵat Raıymbek.
Derek,sýret: Qyzylorda oblysy kásipkerler palatasynyń baspasóz qyzmeti.
