Aqyn saıabaǵy

Elimizdegi etek-jeńi jınaqy shaǵyn shaharlardyń ishinde kelbetti kórkimen birden baýrap alatyn qala bolsa, ol – Zaısan. Saýyr taýynyń eteginde samaladaı jarqyrap jatqan Zaısan qalasynyń kire berisinde Abaı saıabaǵy ornalaspaq.   Taıaýda aýdandaǵy sapary­myzdyń aıasynda uly aqynnyń atyndaǵy saıabaq jobasymen tanystyq. Oǵan tapsyrys berýshi – Zaısan qalasynyń ákimdigi. Merdigeri – jergilikti «SMÝ Shyǵys» JShS. Atalǵan jobaǵa jergilikti bıýdjetten 64 mln. teńge qarjy bólindi. Oǵan saıabaq aýmaǵynda sýburqaq, gúlder men kógaldardy sýa­rý jelileri, elektr shamdary men demalys oryndary ornatylady. Sondaı-aq, osy jerde eń úlken nysan – Han shatyr salynady. Al saıabaqtyń aldyna aqynnyń músini ornalasady. Asyq, báıge, qyz qýý syndy qazaqtyń ulttyq qundylyqtary shaǵyn músindik kompozısııalarmen kórinis tabatyn bolady. Sonymen birge, munda jospar boıynsha muz aıdyny, rolık tebýge arnalǵan alań, qazaqtyń ulttyq naqyshtaǵy jádigerleri men buıymdaryn saýdalaýǵa arnalǵan dúken boı kótermek. Kórkemdik úshin dekoratıvti aǵashtar otyrǵyzylady. 25 adamdy jumyspen qamtyp otyrǵan qurylys alańynda qyzý jumys júrip jatyr. Jumys kúzde aıaqtalmaq. – Qazirgi kezde saıabaqtyń ishindegi joldar men alańqaılarǵa tas tósenishter tóseý jáne saıabaq aýmaǵyn qorshaý jumystary júrgizildi. Bizdiń maqsatymyz – Abaı saıabaǵy arqyly tálimdik-tárbıelik mańyzy bar alań qurý. Bul qalamyzǵa kelgen qonaqtar men qala turǵyndarynyń seıildep, sergıtin tamasha oryndarynyń biri bolady degen oıdamyz, – dedi aýdandyq sáýlet-qurylys, turǵyn úı, kommýnaldyq sharýashylyq, avtokólik joldary jáne jolaýshy kóligi bóliminiń basshysy Ashat О́tebaev. Aıta ketken abzal, ısi adamzatqa ortaq Abaı hakimniń urpaqtarynyń biri – Kúlzıpa Israıylqyzy Zaısan qalasynda turyp, byltyr dúnıeden ótken bolatyn. Osy oraıda uly Abaı­dyń 170 jyldyq mereıtoıy­na oraı salynyp jatqan saıabaq­tyń bir buryshynda aqynnyń zaı­sandyq urpaǵyna da bir kórneki aq­parattyq oryn berý jónindegi usy­nysymyzdy jetkizdik. Dýman ANASh, «Egemen Qazaqstan». Shyǵys Qazaqstan oblysy, Zaısan aýdany.