Otqa oranǵan ormannyń orny tolady

Besqaraǵaı aýdanynda ilkide órtenip ketken 130 gektar orman alqaby qalpyna keltirilmek. 1997-2006 jyldar aralyǵynda oryn alǵan órtten zardap shekken qaraǵaıly beldeýler men orman resýrstaryn qalpyna keltirýge baǵyttalǵan elimizdegi biregeı orman tálimbaǵy Besqaraǵaı aýdanynda ornalasqan. Shved tehnologııasy boıynsha orman aǵashtaryn ósiretin tálimbaq arqyly kelesi jyly 8,5 mln. aǵash kósheti egiletin bolady. Kanoner aýyldyq okrýgine qarasty Qaramyrza aýylynyń janyndaǵy tálimbaq kesheni Búkil­álemdik damý bankiniń «Qazaqstan Respýblıkasyndaǵy orman-toǵaıly aýmaqty arttyrý jáne ormandy saqtaý» jobasy sheńberinde salynǵan. – Ertis ózeniniń jaǵalaýyn­daǵy 130 myń gektardan astam qara­ǵaıly orman beldeýi toqsa­nynshy jyldary órtenip ketkeni belgili. Osyǵan oraı, aýdanda orman resýrstaryn qalpyna kel­tirý jumystary belsendi júr­gizilýde. Árıne, ormandy qys­qa merzimde qalpyna keltirý ońaı emes. Alaıda, birneshe jyl­­dardyń ishinde atqarylǵan tıimdi is-qımyl nátıjesinde biz osy biregeı tálimbaqtyń jas kó­shetterin otyrǵyzýǵa múmkindik alyp otyrmyz, – dedi aýdan ákimi Nurlan Sydyqov. Dýman ANASh, «Egemen Qazaqstan». Shyǵys Qazaqstan oblysy, Besqaraǵaı aýdany.