Talap qoıyp, mindetter júktedi

Keshe Premer-Mınıstrdiń orynbasary Berdibek Saparbaev jumys saparymen Almatyda boldy. Munda Vıse-premer me­ga­polıstiń áleýmettik-ekono­mıkalyq damýymen, jańa oqý maýsymyna daıyndyǵymen tanysyp, Almatynyń qys­qy Ýnıversıada-2017-ge ázirlik barysyn kórdi. Sondaı-aq, Azıada nysandaryn paıda­lanýdyń tıimdiligin tekserdi. Atap aıtqanda, ol «Suńqar» halyqaralyq shańǵy tram­plınderi keshenin qarap shyǵyp, Ýnıversıada nysandaryn – Muz arenalaryn, sondaı-aq 5 myń sportshyny qabyldaýǵa arnalǵan Atletter aýylyn aralady. Sonymen birge, Berdibek Saparbaev respýblıkalyq jáne qalalyq qan ortalyqtary men jalpy bilim beretin mektepke baryp olardaǵy jaǵdaımen tanysty, Balýan Sholaq atyndaǵy sport jáne mádenıet saraıyn aralap kórdi. Sapar barysynda Vıse-pre­mer qala aktıviniń qaty­sýy­men keńes ótkizdi. Onda bilim mazmunyn jańartý jáne onyń bolashaqqa baǵdarlanýy máseleleri qaraldy. О́z sózinde Berdibek Mashbekuly Almatynyń bilim berý salasynyń problemaly máselelerine basa nazar aýdardy. Birinshi kezekte, bul mektepke deıingi mekemelerdiń jetispeýshiligine qatysty eken­digin aıtyp ótti. Premer-Mı­nıstr­diń orynbasary qalalyq ákimdikke jeke sektor, MJS jáne mesenattardy tartý esebinen balabaqshalar ashý boıynsha jumysty kúsheıtýdi tapsyrdy. Taǵy bir másele, onyń aıtýynsha, balalardyń qosymsha bilim berýmen az qamtylýy bolyp otyr. «Qosymsha bilim berý – balalardy ózin-ózi damytýǵa úıretýdiń jáne olardy eńbekke, sportqa jáne mádenıetke tartý­dyń tıimdi tetigi. Qosymsha uıymdar jelisin, onyń ishinde jeke sektor arqyly belsendi damytý qajet», – dep basa aıtty Vıse-premer. – Al­maty oqý oryndarynda kadrlardy kelisimshartpen daıarlaý jáne dýaldy bilim berý júıesin múmkin jerlerde belsendi engizý qajet. Qalalyq joǵary oqý oryndary men kolledjderdiń barlyǵy óz jumysynda Almaty qalasynyń damý josparyn eskerýi tıis. Kadrlar jergilikti naryq suranystary men memlekettik baǵdarlamalardy júzege asyrýǵa sáıkes ázirlenýi kerek», – dep tolyqtyrdy ol óz sózin. Keńesti qorytyndylaǵan Vıse-premer basty mindet Memleket basshysynyń bilim sapasyn arttyrý boıynsha tapsyrmalaryn múltiksiz oryndaý bolyp tabylatynyn basa aıtty. Ol memlekettik organdarǵa megapolıstiń bilim salasyn odan ári damytý úshin birqatar tapsyrmalar berdi. «Almaty Qazaqstannyń bar­lyq óńirlerine úlgi bolýy tıis. Sondyqtan, biz qalanyń bilim salasy jaqsarýy úshin bar kúsh-jigerimizdi salýymyz kerek», – dep túıindedi sózin Vıse-premer. Jumys saparynyń sońynda Berdibek Saparbaev Almatynyń saýda oryndaryn aralap, azyq-túlik